Корисноста за здравјето, пристапноста во текот на целата година и избоилието од нутриенти, ја прават брокулата популарен зеленчук.
ВИТАМИНИ
Брокулата содржи двојно поголема количина витамин Ц од портокалот. Тоа е витамин кој помага при секојдневното искористување на железото, превенира појава на катаракта, ги олеснува симптомите на настинка и ја зголемува општата одбранбена способност на организмот. Брокулата содржи витамини од Б групата, особено Б3, Б5 и фолна киселина.
МИНЕРАЛИ
Во брокулата има голем процент на калиум, а лесно впивливата форма на калциум содржана во овој зеленчук помага при развојот и здравјето на коските. Од минералите содржи и фосфор, железо и хром.
ВЛАКНА
Високиот процент на влакна во брокулата го подобруваат функционирањето на системот за варење.
АНТИОКСИДАНТИ
Вниманието е насочено кон три моќни антиоксиданти во брокулата. Пред се на индолот кој превенира хормонски зависни карциноми, и помага на т.н. добри хормони кои се борат против лошите. Сулфорафанот има слично и превентивно и терапевтско дејство. Индиректен е антиоксидант кој го потпомага антиоксидантното дејство на слични материи (витамин Е, коензим Q10), превенира кардиоваскуларни болести и стрес. Има продолжено дејство и е отпорен на топлина. Овој зеленчук содржи и бета каротен кој го забавува оштетувањето на клетките предизвикано од слободните радикали.
