Лош апетит кај децата – што може да направите и кога е време за лекар?

Готвени оброци, заедничко јадење, шарена и привлечна храна секако се добар пат.

Децата во својот постојан развој, како физички, така и когнитивен, минуваат низ различни фази. Тоа лесно може да се види преку нивната исхрана, храната која понекогаш на детето му била омилена сега ја одбива, бара нешто друго…

Една од целите на родителите е здравата исхрана на детето. Јаде ли доволно, му недостасуваат ли витамини, минерали, влакна? Проблем е кога родителите ќе видат дека детето ги одбива понудените оброци и се повеќе се намалува пописот на намирници што детето ги јаде.

Секако дека намалување на апетитот се јавува речиси кај сите деца и ретко кој родител ќе го избегне тоа, затоа не треба секогаш да се дига паника. Но, ако детето упорно одбива храна и апетитот му е со полош, тогаш задолжително треба да се посоветува со лекар.

КАКО ДА РЕАГИРАТЕ?

Лекарот секако треба да го прегледа детето и да исклучи дека станува збор за болест. Промената на навиките е долг и напорен процес, на детето треба да му ограничат било какви грицки и намирници богати со шеќер, со акцент на газираните пијалаци и брзата храна.

Треба да се има предвид дека децата имаат и помал желудник и не може да очекувате дека тие ќе јадат многу.

Можете и еден поголем оброј да го поделите на два помали. Готвени оброци, заедничко јадење, шарена и привлечна храна, секако се добар пат. Не е на одмет да набавите и шарен прибор и ако времето тоа ви го дозволува, повремено да ја аранжирате храната на интересен и духовит начин за целиот тој процес да го напаравите позабавен.

И детето може да ви помогне во тоа. Не само што ќе се забавува, туку и со сласт ќе го изеде јадењето во чија подготовка самото учествувало. Постојаното принудивање и терање на децата само да јадат и да јадат, нема да има никаов позитивен ефект. Кога се зборува за лош апетит, не смее да се заборави и на телесната активност. Спорт, трчање со топка и играње во парк на децата ќе им ја зголеми потребата за енергија, а со самото тоа и за храна.