Наместо на казнување, фокусирајте се на нежна дисциплина. Таа е базирана на подучување и учење наместо на казнување. Втемелена е на реални очекувања и соработка со децата, но и на трпение, свесност и сочуство. Фокусирајте се на поставување граници и поттик на децата да бидат подобри и повеќе да се трудат гледајќи го вашиот пример.
Она што е најважно за градење добра комуникација е тоа да ги слушате своите деца додека ви зборуваат за нешто што ним им е важно.
Ова се вредни совети за поттикнување на подобра комуникација со детето:
ЈАСНО КАЖЕТЕ МУ НА ДЕТЕТО ШТО САКАТЕ
Една од најголемите грешки што ја прават родителите е давање негативни наредби на децата (не трчај, не го пипкај тоа). Со оглед дека децата се уште имаат недоволно развиени логички способности на размислување, ним не им е јасно што треба да направат наместо она што во моментот го прават, односно што треба да направат кога сакате да не трчаат. На децата им се потребни позитивни упатства, како “Оди, те молам наместо да трчаш“. Наместо негативни наредби и забрана за одредено однесување, дајте им позитивни наредби и алтернативно однесување кое е пожелно во таа ситуација.
ЈАСНИ И РАЗБРЛИВИ НАРЕДБИ
На децата им е тешко да следат низа упатства. Ако сакате даја разберат вашата комуникација, тогаш треба да се спуштите на нивнато развојно ниво. Тоа значи дека треба да му дадете на детето една разбирлива наредба на која може да се фокусира.
КОМУНИКАЦИЈА НИЗ ИГРА
Низ игра децата учат, истражуваат, се поврзуваат и комуницираат. Поради тоа, се предлага да родителските барања понекогаш се реализираат и низ игра.
ПОСТАВЕТЕ СИ ГИ СЕБЕ СЛЕДНИВЕ ТРИ ПРАШАЊА:
- Зошто моето дете се однесува на овој начин?
- Како се чувствува моето дете?
- Што се обидувам да го научам своето дете?
Мора да бидете свесни дека децата често немаат доволно развиени комуникациски вештини да се изразат. Можеби се чувствуваат несоодветно и копнеат за вашето внимание, а можеби едноставно не ја разбираат важноста на вашите барања.
