Нова студија покажува колку точно читањето на децата и играњето со нив влијае на нивниот социјален и емотивен развој. Тоа значи, дека нуди повеќе од почетна помош при совладување на јазичните способности.
Моментот на поврзување на детето со родителите за време на читањето книга има дури и потенцијал да гу ублажи проблемите како агресија, хиперактивност и недостаток на внимание, открива студијата.
“Размислуваме за читањето на многу начини, но не сум сигурен дека сме свесни оти еден од нив е токму овој“, изјавил д-р Ален Менделсон, професор ии еден од авторите на студијата.
Со истражувањето е утврдено дека интеракцијата, воспоставена во раната возраст, а која промовира читање на децата, може да има големо влијание на нивното однесување.
Студијата вклучила 675 семејства со деца на возраст од пет месеци, поделени на тестирани и контролни групи. Семејствата кои учествувале, по доаѓањето на педијатрискиот оддел добивале книга и играчки. Накратко се состанувале со советник за да поразговараат за развојот на своето дете, за тоа што забележале и што очекуваат, а потоа биле снимани како му читаат на своето дете. Веднаш потоа, заедно со стручњаците го гледале видеото.
“Позитивните родителски активности може да направат голема разлика“, вели д-р Менделсон, нагласувајќи дека критичниот период во развојот на детето почнува со самото раѓање, а тоа е токму периодот кога децата имаат најмногу посети кај педијатарот.
Оваа студија обрнала внимание на истите деца, година и половина подоцна и било заклучено дека резултатите се постојани. Децата чии семејства учествувале во студијата за време на нивното рано детство и натаму биле значително помалку склони кон агресивно однесување, хиперактивност и недостаток на внимание, а токму овие однесувања би можеле да им создадат потешкотии во училишните денови.
