ПИШУВА:
Д-р Маќули Хаџи-Лега
специјалист по гинекологија и акушерство
♦♦♦♦♦♦♦
Поминат термин за породување
Терминот за породување според светските протоколи е две недели после поминување на веројатниот термин на породување по којшто ние се ориентираме според циклусот. Тука постојат многу варијанти: ако жената има регуларни циклуси ни дава податок кога е направен првиот преглед на ЕХО, тој до 10 недела е најточен, и ние генерално знаеме кога е веројатниот термин. Кај некои жени кои имаат несигурни, нерегуларни циклуси може да има и грешка, покасно да останале бремени, но со првите ЕХО прегледи веќе се расчистува и таа дилема и ние знаеме. Пак ќе повторам, оној ЕХО преглед што е до 10 недела е најточен и тој го дава последниот термин за породување.
Што кога ќе помине веројатниот термин за породување?
Доколку дојде до ситуација да поминат две недели или 14 дена после предвидениот, веројатен термин за породување, а пациентката се уште не добила болки, тогаш веќе треба да се оди на индукција на породување и да се завршува бременоста. Со самото поминување на терминот и од само еден ден ризикот е апсолутно голем, а пациентката треба да се иследува често, скоро секој ден, секој втор ден да доаѓа на ЦТГ (мерење на срцевите отчукувања на детето).
Со тек на бременоста постелката се исцрпува и се смета дека полни 42 недели е нејзиниот максимален рок на траење, односно рокот на уредно функционирање на секоја постелка. Познато е дека веќе после навршени 36 недели постелката ја намалува својата делотворност, но реалниот ризик од попуштање на нејзината функција е околу 41-42 недела
Ретко се случува ние како гинеколози, па и воопшто некаде во светот, некој да чека до изминување на сите 14 дена. Во принцип, чекаме до 7 дена по поминување на веројатниот термин, се разбира со редовни контроли, кардиотокографија, ултразвучни прегледи, амниоскопија, со посебен апарат се гледа плодовата вода да не е заматена… Доколку нешто ни отстапува тогаш се оди на индукција на раѓањето.
Заматена плодова вода
Кај надносени бебиња и некои инфекции често се јавува заматена плодова вода, што е знак дека породувањето треба да се изврши брзо. Кога е водата „зелена“ или мекониска, пак, станува збор за вода во која има фецес. Бебето додека е во стомакот на мајката може да се наголта клетки, епители и други супстанции кои пливаат во плодовата вода, кои минуваат нив неговиот систем за варење, па бебето буквално ги кака уште додека е во стомакот на мајката. Ваквата плодова вода е уште еден јасен знак дека бебето треба побрзо да се роди.
Кои се опасностите
Со самото поминување на терминот може да дојде до слабост на постелката па да имаме нарушен крвоток и страдање на плодот. Со тек на бременоста постелката се исцрпува и се смета дека полни 42 недели е нејзиниот максимален рок на траење, односно рокот на уредно функционирање на секоја постелка. Познато е дека веќе после навршени 36 недели постелката ја намалува својата делотворност, но реалниот ризик од попуштање на нејзината функција е околу 41-42 недела.
Со самото поминување на терминот за породување може да дојде до слабост на постелката па да имаме нарушен крвоток и страдање на плодот
Покрај тоа, може да се намали и околуплодовата вода што е исто така индикација да се размислува за завршување на раѓањето со индукција или директен царски рез, варијанта која гинеколот ќе ја одбере. По протокол се чека 14 дена, иако не сум сретнал некој да чека толку долго. До 7 дена апсолутно вреди да се почека затоа што ако е се во ред нема зашто да се брза бидејќи ако се оди на индукција, а грлото на матката се уште не е зрело, прејудицираме да дојде до царски рез, ги зголемуваме шансите.
Мојата препорака е да се почека минимум 7 дена и да се следи со редовни контроли и уредни кардиотокографски записи. Апсолутно нема простор за паника кај жените доколку помине терминот за породување. Секое „чепкање“ во тие 7-10 дена без потреба ја доведува во ризик жената да заврши со царски рез иако можела да си роди природно.
ПОВЕЌЕ ОД ИСТИОР АВТОР, Д-Р МАЌУЛИ ХАЏИ-ЛЕГА:
- И без првата менструација може повторно да останете бремени краток период после породувањето
- „ЕПИДЕМИЈА“ НА ЦАРСКИ РЕЗОВИ Mлади, здрави жени, без патологија инсистираат да се породат со царски рез
- Кај 90% од прворотките се прави епизиотомија, најчесто се сече на десната срамна усна за да може бебето полесно да помине
