ПИШУВА:
Д-р Маќули Хаџи-Лега
специјалист по гинекологија и акушерство
♦♦♦♦♦♦♦
Тегоби во бременоста кои не смеат да се игнорираат (1)
Сите тегоби во бременоста може да се поделат: во почеток на бременост, средина и крај на бременоста. На самиот почеток на бременоста жените или еден дел од нив, околу 20%, обично имаат тегоби во смисла на гадење, повраќање, поспаност, замор, омалаксаност… Сето тоа ние сметаме дека е нормално, освен гадењето и повраќањето, што навистина може да биде алармантно и да придонесе жената да не може да функционира.
На пример, доколку повраќа 10-15 пати во денот, не се храни и на сметка на тоа почнува да трпи целиот организам. Во таква ситуација бремената жена треба да се јави на лекар за да и се даде соодветна терапија. Најчесто даваме витаминска терапија, гастричните тегоби ги олеснуваме со давање на терапија – антациди… Сето тоа треба убаво да се изменаџира, зашто во спротивно може да се западне во ацидоза и тогаш е многу потешко жената да се извлече од целата состојба. Ова е ситуација која навистина може да вроди со проблеми, па неретко и ги хоспитализираме овие жени неколку дена, затоа што тие се навистина омалаксани и не можат да ги извршуваат ниту основните обврски.
И најмало крвавење бара преглед на лекар
Во почетокот на бременоста, исто така, се среќаваме и со крвавења, кои никако не смеат да се игнорираат и штом се појави и најмала сукрвица треба да се јават на лекар, па се дава соодветна терапија за поддршка на бременоста. Нашите жени, генерално, во таа смисла се дисциплинирани, иако пак ќе повторам дека за секое крвавење во бременоста пациентката треба да се јави на лекар за да се види што е причината. Некогаш има основана причина – одлепување на постелката, нешто акутно, некогаш можеби се работи за некоја инфекција на вагината или на грлото на матката, па од таму доаѓа крвавењето, грлото е инфламирано… Во секој случај треба да се испита. Многупати имаме и плацентарни полипи – постелката може наместо внатре во матката да се прошири низ цервикалниот канал па да излезе низ каналот надвор во вагината што исто така дава крвавење.
На самиот почеток на бременоста жените или еден дел од нив, околу 20%, обично имаат тегоби во смисла на гадење, повраќање, поспаност, замор, омалаксаност… Сето тоа ние сметаме дека е нормално, освен гадењето и повраќањето, што навистина може да биде алармантно и да придонесе жената да не може да функционира. На пример, доколку повраќа 10-15 пати во денот, не се храни и на сметка на тоа почнува да трпи целиот организам
Тоа се состојби коишто заслужуваат внимание во бременоста и не треба да се занемаруваат. Во принцип, како што веќе реков, нашите жени се совесни и се јавуваат, но битно е што побрзо да се јават, а не да чекаат да се смири или да помине само од себе – штом се јави крвавење подобро е на време да дојдат и да се даде соодветна терапија за да се испревенира доколку може да се помогне.
Да се обрне внимание на вагинален исцедок, болки, контракции, појава на водичка во вториот триместар
Во втората третина од бременоста, исто така, она што не треба да се занемарува е вагинален исцедок, болки, контракции – сето ова бремената жена не би требало да го игнорира. Некогаш можеби не е ништо, но штом се јават болки, некој исцедок или не дај Боже, се појави водичка, можеби е прснат водењак, за сето ова треба брзо да се реагира и да се изменаџира ситуацијата. Плацента превиа исто така може да биде пропратено со крвавење. Во вториот треместар треба да се измери должината на грлото на матката за да нема евентуално некое скратување, доколку има се става церклажа и се дава гестагена терапија се со цел да се испревенираат можните компликации од предвремено раѓање или ран спонтан абортус. Генерално, во прилог на тоа одат сите тие контроли коишто треба да се прават кај гинеколозите во смисла на земање еднаш месечно крвна слика, уринокултура, микробиолошки брисеви после 10. недела – сето тоа треба навремено да се земе и доколку има потреба се дава и терапија. Ако се направи според нашите протоколи во принцип не би требало да има некоја проблематика.
Во втората третина од бременоста, исто така, она што не треба да се занемарува е вагинален исцедок, болки, контракции – сето ова бремената жена не би требало да го игнорира. Некогаш можеби не е ништо, но штом се јават болки, некој исцедок или не дај Боже, се појави водичка, можеби е прснат водењак, за сето ова треба брзо да се реагира
Од 15 до 28. недела – најризични гестациски недели за бебето
Во првиот триместар се тие рани спонтани абортуси, најчесто може да биде инфекција, некое пореметување во факторите на коагулација кога плодот не се исхранува убаво со крв, или можеби се работи за некоја хромозомска аберација, хромозомопатија кога самиот организам најчесто преку 90% ги исфрла тие плодови. Во вториот триместар е ризикот од предвремен ран спонтан абортус или предвремено породување, тоа е некаде од 15 до 28. недела, тука треба да се обрне внимание на грлото на матката, инфекции, прскање на воденикот како најчеста компликација… Тие се гестациски недели кога многу и не може да му се помогне на бебето и се најризични.
Во третиот триместар, после 28. недела, генерално, бебињата имаат поголеми шанси, педијатриските служби во тој поглед за тие бремености се со добри капацитети да ги изменаџираат, додека во вториот триместар се навистина проблематични, не само кај нас туку и во светот. Најчести други компликации во третиот триместар се прскање на воденикот пред 37. недела со сите ризици што си ги носат предвремените породувања, иако пак ќе кажам во последниот триместар тоа и не е толку проблематично освен кога се работи за плацента превиа, односно постелката го покрива внатрешното устие на грлото на матката и не може трудницата спонтано да се породи па доаѓа до одлепување на постелката со абрупција на постелката и тие се навистина алармантни состојби.
(Продолжува)
◊◊◊◊◊◊◊
ПОВЕЌЕ ОД ИСТИОР АВТОР, Д-Р МАЌУЛИ ХАЏИ-ЛЕГА:
- Кај надносени бебиња често се јавува заматена плодова вода, а тоа е знак дека породувањето треба да се изврши брзо
- И без првата менструација може повторно да останете бремени краток период после породувањето
- „ЕПИДЕМИЈА“ НА ЦАРСКИ РЕЗОВИ Mлади, здрави жени, без патологија инсистираат да се породат со царски рез
- Кај 90% од прворотките се прави епизиотомија, најчесто се сече на десната срамна усна за да може бебето полесно да помине
