ПИШУВА:
Д-р сци. Александар Сајковски
специјалист педијатар – неонатолог
♦♦♦♦♦♦♦
Aктуелната пандемија со Covid-19 доведе до бројни дилеми и непознаници во професионалната медицинска јавност, но истовремено на сите ни го промени стилот на живеење и перцепцијата за животните вредности. Иако последниве шест месеци се објавија бројни студии за начинот на ширење на инфекцијата, за механизмите на дејството и структурата на вирусот, за имунолошките реакции, епидемиолошките аспекти на оваа инфекција, можеме да заклучиме дека знаеме многу повеќе, но далеку од доволно за елиминација и ерадикација на оваа пандемија. Иако постои умерен тренд за донекаде држење под каква таква контрола на пандемијата и постепено враќање во т.н. „нормален живот“, едно од клучните прашања е заштитата на децата при отворањето на претшколските и школските установи, како и потенцијалниот нов бран наесен. Имајќи го предвид фактот дека се уште не е добиена финална вакцина за овој вирус, дека се уште нема специфична ефикасна клинички дефинитивно сигурно докажана терапија, останува како единствена сигурна превенцијата и заштитата од Covid-19 одржувањето на висока хигиена, избегнување на контакт со болни инфицирани лица или носители на вирусот и зајакнување на нашиот имунолошки систем како круцијални и најдобри стратегии во овој момент. Тоа е впрочем и мотото на овој текст: „Негувајте го имунитетот на вашето дете“.
За почеток би сакал да ве потсетам дека основна функција на нашиот имунолошки систем е да не заштити од развој на малигните клетки, да ги елиминира мртвите клетки (секојдневна промена на клетките во телото кои имаат краток живот) и да не заштитат од влијанието од надворешните агенси како што се микрооганизмите и разни хемиски супстанци. Така, имунолошкиот систем ја одржува хомеостазата на телото, и го чува здравјето на една индивидуа. Овие ефекти на имунолошкиот систем кои се одвиваат во еден огромен хомеостатски систем наједноставно може да се дефинираат како процес на „препознавање на себе и одговор на не-себе“.
Имајќи го предвид фактот дека се уште не е добиена финална вакцина за овој вирус, дека се уште нема специфична ефикасна клинички дефинитивно сигурно докажана терапија, останува како единствена сигурна превенцијата и заштитата од Covid-19 одржувањето на висока хигиена, избегнување на контакт со болни инфицирани лица или носители на вирусот и зајакнување на нашиот имунолошки систем како круцијални и најдобри стратегии во овој момент
Имунолошкиот систем од само дидактички причини се дели на вроден и стекнат. Тоа се две компоненти на имунитетот кои во основа функционираат комплементарно во одбрана на организмот. Макрофагите, неутрофилите, клетките-убиjци, серумскиот комплемент и протеините на акутна фаза на воспаление го претставуваат главниот сегмент на природниот имун систем, како прва борбена линија на организмот во одбраната од разни микроорганизми. Б-лимфоцитите и Т-лимфоцитите се дополнителен елемент во одбраната на организмот, како и неколку т.н. растворливи компоненти, како што се цитокините, интерлеукините и интерферонот, кои се вклучени во модулацијата на имуниот одговор. Сите овие компоненти го чинат чудесниот свет на имунитетот.
Што е тоа што може да му помогне на имунолошкиот систем?
Круцијално во сентенцата за негување на имунитетот кај вашето дете е изборот на вистински имуномодулатор. Постојат голем број на дискусии и дилеми за тоа што треба да се даде и како да се негува имунитетот. Но, клучно е да се држиме до оние имуномодулатори кои се потврдени со своето дејство и се поставени во медицината базирана на докази.
Во основа Инозин ацедобен димепранол ја инхибира и блокира РНА синтезата на вирусите. Неговата директна антивирална активност укажува дека тој се врзува со рибозомите на клетките кои се инфицирани со вирус, провоцирајќи предност на нормалната клеточна РНА во однос на вирусната РНА во компетицијата за линкот со рибозомите. На тој начин вирусниот РНА код се чита инкоректно со неуредна транскрипција и на крај прекин на нејзината продукција и ширење на вирусот во телото на човекот
Така, во интернационалниот учебник за клиничка фармакологија издаден во САД (под раководство на Chris Boxtel, Budino Santoso и Ralph Edwards) како круцијални и докажани имуномодулатори се етаблирани БЦЖ, тимозин, интерфероните, интерлеукин-2, имуноцијанин, изопринозин, левамисол, дипиридамол, амантадин, мелатонин, витамин Д и 13-цис ретиноичната киселина. Посебен сегмент во неа се наведени имуногените типови на пробиотици.
Имајќи ја предвид медицината базирана на докази и потребата од подготовка за есента, сосема јасно се наметнуваат три компоненти кои играат круцијална улога во таа насока. Тоа се Инозин ацедобен димипранол, витаминот Д и Lactobacillus Reuteri Protectis. И покрај нашата желба да не влегуваме во едно стандардно четиво во длабоките имунолошки секвенци, сепак, за да се приближиме до механизмот на дејство на трите круцијални имуномодулатори потребно е да се наведат и дел од секторите на нивното дејство и механизмите на дејство.
Негувајте го имунитетот на вашето дете
Инозин ацедобен димепранол е синтетички имуномодулатор кој се користи во медицината од 1971 година во борба против вирусни инфекции и болести. Големиот број на студии покажаа дека неговата антивирална активност се должи на неговата имуномодулаторна активност. Апликацијата на Инозин ацедобен димепранол го индуцира Th1 клеточниот тип на одговор, што е евидентно преку зголемувањето на нивото на про-инфламаторните цитокини како што се интерлеукин-2 (IL-2) и интерферон-ƴ (IFN- ƴ) во митоген-активираните и во антиген-активираните клетки. Со овој одговор се стимулира зреењето на Т-лимфоцитите, диференцијацијата и се потенцира индуцираниот лимфопролиферативен одговор. Докажано е дека IFN- ƴ ја инхибира продукцијата на IL-4, IL-5 и IL-10 и на други анти-инфламаторни цитокини (кои се дел на Th2 делот од имунолошкиот одговор). Ова сугерира дека Инозин ацедобен димепранол, може да го модулира супресивниот ефект на овие цитокини како на ниво на вродениот така и на стекнатиот имунитет. Потентниот ефект на овој имуномодулатор кај вирусните инфекции покрај досега наведените ефекти се должи и на зголемување на бројот и активноста на природните клетки убијци. Активноста на неутрофилите, моноцитите и макрофагите се исто така потенцирани по апликација на инозин ацедобен димепранол, додека исто така е активиран процесот на еозинофилните природни клетки убијци поради порастот на имуноглобулинот Г и комплемент површните маркери кои се директно тригерирани од Инозин ацедобен димепранол. Одредени студии покажаа дека тој врши и стимулација на Б-лимфоцитната диференцијација во плазма клетки, а со тоа подобрена и засилена продукција на антитела.
Во однос на неговата антивирусна активност, студиите докажале дека Инозин ацедобен димепранол го стимулира неспецифичниот имунолошки одговор, независно од специфичниот вирален антиген, што укажува дека неговата антивирална активност е позиционирана на ниво на транскрипцијата и транслацијата. Во основа Инозин ацедобен димепранол ја инхибира и блокира РНА синтезата на вирусите. Неговата директна антивирална активност укажува дека тој се врзува со рибозомите на клетките кои се инфицирани со вирус, провоцирајќи предност на нормалната клеточна РНА во однос на вирусната РНА во компетицијата за линкот со рибозомите. На тој начин вирусниот РНА код се чита инкоректно со неуредна транскрипција и на крај прекин на нејзината продукција и ширење на вирусот во телото на човекот.
Наведените механизми на дејство на Инозин ацедобен димепранол укажува на неговата неспецифична имуномодулаторна и антивирусна активност, од каде се поставуваат и индикациите за неговата апликација и користење.
(Продолжува со имуномодулаторните ефекти на Витаминот Д и Lactobacillus Reuteri Protectis)
