Многу луѓе после вакцинацијата против Ковид-19 одлучуваат да го проверат нивото на антитела, иако лекарите безброј пати досега потенцираа дека нема потреба од тоа. Некои од нив утврдуваат дека немаат антитела, иако поминало доволно време од вакцинацијата и тие би требало да бидат создадени во организмот.
Она што се случува најчесто и што е причина за хоспитализација на пациентите кои влегле во процесот на вакцинацијата, тоа е најчесто затоа што примиле само една доза вакцина, луѓето малку се опуштаат, сметаат дека нивниот имунолошки одговор реагирал и поради тоа често се заразуваат
Српскиот вирусолог д-р Тања Јовановиќ, гостувајќи во „Белградска хроника“, објаснува за што станува збор.
„Што се однесува до стекнување на комплетен вакцинален имунитет, тоа е најмалку 2-3 недели по примање на втората доза. Постои еден број на имунизирани луѓе кои се резистентни на вакцината и кои не развиваат имунолошки одговор. Тоа може да се следи преку соодветни параметри, односно според количината на антитела и според карактеристиките на клеточниот имунолошки одговор. Таквите лица сè уште не се заштитени од Ковид-19, меѓутоа она што се случува најчесто и што е причина за хоспитализација на пациентите кои влегле во процесот на вакцинацијата, тоа е најчесто затоа што примиле само една доза вакцина, луѓето малку се опуштаат, сметаат дека нивниот имунолошки одговор реагирал и поради тоа често се заразуваат“.
Сепак, вирусологот посочува дека „дури и ако се заразат по примањето на втората доза, вакцинираните лица се заштитени од тешка форма на болеста и многу често од хоспитализација“.
Дури и ако се заразат по примањето на втората доза, вакцинираните лица се заштитени од тешка форма на болеста и многу често од хоспитализација
Д-р Јовановиќ, исто така, истакнува дека имунолошкиот систем се разликува меѓу луѓето, па од тоа зависи и создавањето на антитела после вакцинирањето.
„Нашите имунолошки одговори се разликуваат, постојат разлики според полот, возраста, хормоналниот статус, некои други инфекции, хронични болести… Според тоа, нема секоја личност која се вакцинира да реагира на истиот начин. Она што е најчесто, а тоа е дека вакциналниот имунолошки одговор може да нè заштити на подолг временски период од повторна инфекција со истата варијанта на вирусот“, додава д-р Јовановиќ. (Мондо)
