Жените денес главно раѓаат подоцна отколку што тоа било случај со жените пред неколку децении, а причините за тоа се бројни. Кога жената ќе роди зависи од многу нешта – кога пронашла партнер, кога се чувствува психички подготвена за дете. Но, дали годините на мајката може да влијаат на интелегенцијата на детето?
Истражувањата велат дека можат. Спроведените студии покажале дека мајките во 30-тите раѓаат попаметни деца отколку жените во 20-тите или 40-тите.
Истражување во кое учествувале 18.000 деца во Велика Британија го следело нивниот развој, со цел да се испита влијанието на годините на мајката на интелегенцијата на децата.
Утврдено е дека децата кои мајките го родиле во триесетите години имаат подобри когнитивни способности во однос на децата чии мајки се во дваесетите или четириесетите години.
Освен тоа, се покажало дека жените кои децата ги родиле во 40-тите поминуваат помалку време во игра со децата во споредба со помладите мајки, и нивните деца се склони кон дебелеење.
“Жените кои првото дете го добиваат во 30-тите, главно се образовани, подобро заработуваат, поголеми се шансите да се во стабилна врска, водат поздрав живот, редовно посетуваат лекар и бременоста е планирана“, вели една од авторките на студијата Алис Гоазис.
Таа истакнува дека постарите мајки помалку се склони на пушење цигари, тие почесто ги дојат своите бебиња и почесто им читаат книги.
