Пневмонијата е оток (воспаление) на ткивото во едното или двете белодробни крила. Тоа обично е предизвикано од инфекција, најчесто од бактерии и вируси, и обете се заразни.
Како се „фаќа“ пневмонија?
Микробите кои можат да предизвикаат пневмонија обично се вдишуваат. Луѓето често имаат мали количини на бактерии во носот и грлото кои можат да се пренесат преку:
- кашлање и кивање – на овој начин се исфрлаат мали капки течност што содржат бактерии во воздухот, кои некој друг може да ги вдиши,
- допирање на предмет и пренесување на бактерии на него – потоа некој друг може да го допре овој предмет, а потоа да ја допре сопствената уста или носот.
Спречување на ширење на пневмонија
Вие може да помогнете да се спречи ширењето на пневмонијата со преземање на некои едноставни хигиенски мерки на претпазливост.
Тие вклучуваат:
⇒ редовно и темелно миење на рацете, особено по допирање на носот и устата и пред ракување со храна,
⇒ кашлање и кивање во марамче, а потоа веднаш фрлете го и измијте ги рацете,
⇒ не споделувајте чаши или кујнски прибор со други.
Вакцинација
Пневмококната вакцина штити од Streptococcus pneumoniae, кој е најчеста причина за бактериска пневмонија.
Вакцинацијата се препорачува за:
- бебиња,
- возрасни на возраст од 65 или повеќе години,
- деца и возрасни со одредени долгорочни здравствени состојби, како што е сериозна болест на срцето или бубрезите. (Извор: NHS)
