Најновите истражувања покажале дека децата од мајки кои во бременоста премногу јаделе и добиле многу на тежина, се изложени на поголем ризик од добивање на некои хронични болести.
Студијата која била споведена во Хонг Конг вклучила 900 трудници и нивните деца, а покажала дека децата чии мајки за време на бременоста премногу ја зголемиле телесната тежина, подоцна заболувале од дијабетес и висок крвен притисок. Децата пак на мајки кои се здебелиле во границите на нормала, имале неспоредливо помал ризик од овие заболувања.
Според мислењето на стручњаците, бременоста бара внес на дополнителни 300 калории на ден, но не и повеќе од тоа. Бремените жени треба да водат сметка што и колку јадат, како и да со балансирана исхрана не ја надминат вредноста од 300 калории плус на ден.
Покрај со исхрана, килограмите може да се одржуваат и со редовна активност која е погодна за бременоста.
Главна тема на студијата бил ефектот кој на децата го предизвикува телесната тежина на мајките во бременоста, но анализирано било и како дебелината на трудницата се одразува на нивното здравје. Заклучено е дека прекумерната тежина е ризичен за мајката и дека за псоледица може да даде високо ниво на глукоза во крвта.
