Дали сте слушнале дека е важно да се спие на страна во третиот триместар од бременоста?
Кога трудницата спие на грб, целата тежина на бебето притиска врз нејзиниот ‘рбет и врз вените кои ја враќаат крвта кон срцето – што може да доведе до намален проток на крв кон бебето. Тоа, пак, се поврзува со зголемен ризик од мртвороденост во доцна бременост, а сега и со намалена родилна тежина.
Истражувачите анализирале податоци од жени од Австралија, Нов Зеланд и Велика Британија кои биле во третиот триместар од бременоста. Тие следеле во која положба жените заспивале секоја вечер и потоа го следеле исходот на бременоста – времето на породување и тежината на новороденчето.
Резултатите покажале дека спиењето на грб е поврзано со тројно зголемен ризик од раѓање бебе со мала тежина за неговата гестациска возраст, независно од други фактори што може да влијаат на тежината при раѓање (како висок крвен притисок или дијабетес кај мајката)
Во студијата учествувале повеќе од 1700 жени од различни етнички заедници, а околу три проценти од нив изјавиле дека редовно заспиваат на грб.
Резултатите покажале дека спиењето на грб е поврзано со тројно зголемен ризик од раѓање бебе со мала тежина за неговата гестациска возраст, независно од други фактори што може да влијаат на тежината при раѓање (како висок крвен притисок или дијабетес кај мајката).
Што значи ова
Ова истражување дополнително го потврдува претходното сознание дека жените во подоцнежната фаза на бременоста треба да избегнуваат спиење на грб.
Бебе кое е родено со мала тежина за својата гестациска возраст може да има послаби здравствени исходи. Затоа, авторите на студијата препорачуваат јавните здравствени кампањи да продолжат да ги охрабруваат трудниците да спијат на страна.
