Едно предупредување што повеќето родители го слушаат одново и одново е дека бебето не се заспивате во раце затоа што така ќе се навикне на тоа и нема да можете да го заспиете на друг начин. Но, кога се во прашање малите бебиња, нема ништо лошо во тоа.
“Бебињата помлади од четири месеци треба да се држат онака како што им е потребно, за да се успијат“, вели Сатја Нарисети, професорка на одделот за педијатрија на Универзитетот Рутгерс. Сепак, секогаш ставајте го вашето бебе на грб во креветчето откако ќе заспие. Тоа е најбезбедниот начин.
“По три или четири месеци, кога бебето ќе развие поредовни навики за спиење и ќе може да спие поголемиот дел од ноќта, проценете дали успивањето во раце сè уште е вистинскиот избор“, вели Нарисети. “Секое дете и секое семејство се различни. Но, веројатно ќе сакате да се ослободите од оваа навика пред бебето да почне да оди“.
“За нивниот развој важно е децата да можат да спијат и да се смират сами“, вели таа. Кога детето ќе се разбуди во текот на ноќта и само ќе заспие без да плаче и без ваша помош, тоа е вештина која подоцна ќе биде повеќе од практична, и без грижа, и тоа ќе се случи.
Тренингот за спиење, односно поттикнувањето на детето да има поредовни навики за спиење, вклучува ставање на детето во креветчето додека е сè уште будно и оставање да заспие самостојно. Проф. Нарисети вели дека ја цени Фарберовата метода, во која родителите го тешат бебето во текот на ноќта, но го задржуваат во креветче, развивајќи на тој начин самосмирување. Воспоставувањето на рутина пред спиење, на пример, капење, па книга, па кревет, исто така поттикнува добар и квалитетен сон.
