Некои мажи се одлични партнери, но прашање е дали исто така еден ден можат да бидат и одлични татковци. Како што објаснуваат психолозите, многу жени не го знаат одговорот на ова прашање се додека во семејството не дојде малото бебе. Сепак, тие додаваат дека постојат одредени знаци кои може да укажуваат на тоа дека вашиот партнер ќе биде добар татко. Еве ги знаците.
Трпелив е
Психолозите објаснуваат дека трпението е една од најважните доблести на секој човек, како во секојдневниот живот, така и еден ден кога ќе станеме родители. Децата често се темпераментни и имаат тенденција да ги тестираат своите граници, така што мажот кој е трпелив ќе има многу поголеми шанси да биде одличен татко и ќе може полесно да се поврзе со детето.
Подготвен е да слуша
Доколку вашиот партнер е склон да слуша и не ве игнорира кога му се доверувате, психолозите тврдат дека тоа е еден од главните показатели дека одлично ќе се снајде во улогата на татко. Имено, таткото кој е секогаш подготвен да го сослуша своето дете, без разлика за што се работи, покажува дека се грижи за чувствата на детето и го почитува неговото мислење. Сето ова, објаснуваат психолозите, ја продлабочува врската помеѓу родителот и детето.
Ако партнерот е секогаш внимателен кон вас, внимава на најмалите можни ситници и знае како да ве расположи кога се чувствувате лошо, тоа значи дека најверојатно ќе го покаже истото внимание и кога ќе добиете дете. Според експертите, вниманието е една од главните доблести на добриот родител
Не бега од обврските
Ако вашиот партнер има навика постојано да бега, односно да ги избегнува обврските или премногу често да ги одложува, тоа може да биде знак дека тешко ќе ја менаџира својата родителска улога. Имено, одличен татко е оној кој не бега од обврските туку спремно се справува со нив и на тој начин дава добар пример на своето потомство.
Внимателен е
Ако партнерот е секогаш внимателен кон вас, внимава на најмалите можни ситници и знае како да ве расположи кога се чувствувате лошо, тоа значи дека најверојатно ќе го покаже истото внимание и кога ќе добиете дете. Според експертите, вниманието е една од главните доблести на добриот родител, а со тоа и на добриот татко.
Нема проблем со комуникацијата
Добрата и искрена комуникација е темелот на секоја врска, како партнерската, така и во односот родител-дете. Партнерот кој бега од секаков вид комуникација и не е склон кон договори или компромиси, тешко дека ќе биде добар татко, особено кога станува збор за донесување на некои посериозни одлуки во врска со детето. Освен тоа, таткото кој знае да комуницира секогаш ќе биде поддршка и помош за своето дете, нешто што му е потребно на секое малечко.
