Според официјалните податоци, ризикот од зараза со мајмунски сипаници помеѓу учениците е многу низок. Повеќе од 16.000 луѓе во САД имаат потврдена инфекција со мајмунски сипаници и речиси сите се возрасни лица. Но, како се ближи почетокот на училишната година, расте загриженоста меѓу родителите.
Американскиот Центар за контрола и превенција на болести (ЦДЦ) во насоките за училиштата и грижата за децата истакнува дека “ризикот од зараза со мајмунски сипаници кај децата и адолесцентите е низок“, но училиштата и покрај тоа треба да се придржуваат со протоколот за било каква трансмисија на заразни болести се сведе на минимум.
КАКО РЕАГИРАЛЕ УЧИЛИШТАТА ЧИИ УЧЕНИЦИ СЕ ЗАРАЗЕНИ?
Основните училишта Менсфилд и Флинт Хил во Џорџија објавија дека се запознаени за позитивните ученици, дека за тоа ги известиле сите родители, а ЦДЦ ќе издаде индивидуални упатства за лицата за кои се смета дека биле во близок контакт со тие деца.
Сите училишни простории ќе бидат темелно исчистени и дезинфицирани пред почетокот на наставата.
Според упатствата на ЦДЦ, секој што е заразен со мајмунски сипаници било во училиште или во градинка, “установата треба да спроведе протокол за намалување на преносот на заразни болести, што вклучува засилено чистење и дезинфекција“, како и контактирање со локалното здравствено тело кое ќе ги пронајде контактите и ќе даде детални упатства за понатамошните постапки.
На училиштата и на градинките секако им се советува да ги потсетуваат учениците и посетителитена засилената хигиена и евентуалното носење маски за лице, ако постои поголем ризик.
КАКО СЕ ПРЕНЕСУВААТ МАЈМУНСКИТЕ СИПАННИЦИ
Познато е дека колективите како што се одделенијата или групите во градинките се легло за вируси и бактерии, а со оглед на бавното ширење на инфекцијата, случаи се појавиле и помеѓу децата, открива Лори Тремел Фримен од локалната здравствена канцеларија.
Најмалку 17 потврдени и веројатни случаи на мајмунски сипаници помеѓу деца под 15-годишна возраст биле пријавени во ЦДЦ минатата недела. Првите два пријавени случаи во САД вклучувале дете на возраст под три години од Калифорнија и бебе кое не е државјанин на САД. Овие два случаи не се поврзани и најверојатно се резултат на пренос во домаќинството.
Вирусот на мајмунски сипаници може да се пренесе преку близок контакт како допир со кожа, директен контакт со осип на заразено лице или директен контакт со секрети како што е плунка. Иако ризикот за тоа е многу мал, постои можност за пренесување на вирусот од површини како облека, постелнина и крпи кои ги користел заразено лице.
Експертите истакнуваат дека градинките и училиштата се идеални расадници за вакво ширење, но затоа треба постојано да се повторува и нагласува важноста од зголемена хигиена со што може се да се избегне.
ЦДЦ во насоките исто така нагласува дека вакцината против мајмунски сипаници се препорачува на лица кои биле изложени на инфекција, но не се препорачува масовна вакцинација, како ниту вакцинирање на децата.
Исто така ги предупредуваат родителите да, доколку детето има температура или осип, веднаш да се јават на лекар и да го остават детето дома.
Децата или вработените кои биле во контакт со лице кое боледува од мајмунски сипаници не мора да прескокнуваат одење на училиште освен во случаи со висок ризик или во случај на појава на симптоми. За случаи со висок ризик се сметаат лицата кои ја допирале кожата на заразено лице, а за деца може да биде и контакт при физичко образование, во борење или фудбал, во однос на пливање или трчање каде што нема близок контакт.
Иако засега има пријави за деца со мајмунски сипаници, нема извештаи за меѓусебно пренесување. Инциденцата на инфекција со мајмунски сипаници меѓу децата моментално е толку ниска да никој не треба да биде загрижен, напоменуваат експертите.
Од избувнувањето на заразата со мајмунскити сипаници во мај, повеќето случаи се пријавени меѓу хомосексуални мажи.
Но, лекарите нагласуваат дека тоа не спаѓа во полово пренослива болест и дека секој што ќе ја допре кожата на заразено лице може да се зарази. Кај децата тоа вклучува прегратки, утеха, хранење или делење крпи и пешкири чаши и слично.
