♦♦♦♦♦♦♦
Дебелина предизвикува „проблематичен“ имунолошки одговор на КОВИД-19, стравуваат научниците.
Научниците кои ги советуваат владините министри во Велика Британија ги истражуваат потенцијалните основни механизми што можат да го зголемат ризикот од смрт за обезните пациенти.
Бројките, објавени во петокот, се засноваат на примерок од 7.542 критично болни пациенти, потврдени со Ковид-19. Според извештајот на ICNARC, луѓето со нормална тежина сочинуваат мал број од сериозно болни пациенти со КОВИД-19. Скоро три четвртини (73%) имаат вишок на килограми
Според податоците од единиците за интензивна нега, луѓето со нормална тежина сочинуваат малцинство од сериозно болните пациенти со КОВИД-19, додека речиси три четвртини од тешките случаи се пациенти кои имаат прекумерна тежина.
Болничките податоци на NHS покажаа дека дебелината го зголемува ризикот од умирање од коронавирус за скоро 40 проценти. Додека причините остануваат нејасни, научниците предупредија на потенцијален дисфункционален имунолошки систем што ја отежнува борбата против вирусот.
Масните клетки – од кои има повеќе во ткивата на дебелите луѓе – може да ги „скријат“ виталните имунoлошки клетки, намалувајќи ја нивната достапност во остатокот од телото. Или поинаку – имунолошкиот одговор може да биде претеран и да предизвика цитокинска бура, која игра голема улога кај смртните случаи предизвикани од КОВИД-19.
Нема податоци што сугерираат дека дебелите луѓе имаат поголема веројатност да го фатат вирусот убиец на прво место.
„Сандеј тајмс“ објавува дека комитетот САГЕ ќе ја испита врската помеѓу дебелината и сериозните случаи на болеста КОВИД-19. Како што расте бројот на смртни случаи од вирусот во Велика Британија кој достигна над 28.000, така податоците собрани од болниците на NHS откриваат кои лица имаат најголем ризик од болеста.
Тука се вклучени обезните лица, оние со веќе постоечки други здравствени состојби и луѓето со BAME потекло (црнечки, азиски и малцински етнички заедници). Мажите, исто така, сочинуваат повеќе од 70% од пациентите.
Постои поголем процент на дебели луѓе на интензивна нега отколку кај општата популација, според Intensive Care National Audit and Research Centre, кој собира податоци од болниците на NHS.
Бројките, објавени во петокот, се засноваат на примерок од 7.542 критично болни пациенти, потврдени со Ковид-19. Според извештајот на ICNARC, луѓето со нормална тежина сочинуваат мал број од сериозно болни пациенти со КОВИД-19. Скоро три четвртини (73%) имаат вишок на килограми.
Околу 35% имаат БМИ помеѓу 25 и 30, што од страна на NHS се смета за „прекумерна тежина“, 31% се дебели, а нешто повеќе од седум проценти се сериозно дебели
Д-р Дијан Селајах од Универзитет во Ридинг, вели: „Она што го знаеме досега од податоците е дека дебелината е јасен фактор на ризик за тешка болест“.
„Дебелите луѓе се со тенденција да имаат дисфункционален имунолошки систем – нивното масно ткиво, на пример, станува резервоар за имунолошките клетки познати како макрофаги. Додека овие клетки престојуваат во нашите масти под нормални околности, кај дебелите луѓе се со поголема фреквенција и стануваат попроблематични (почнуваат да лачат воспалителни цитокини) и негативно влијаат на имунитетот и метаболичкото здравје. Веројатно затоа имунолошкиот одговор на вирусот е неефикасен кај дебелите лица, што може да објасни зошто луѓето со BAME потекло, кои имаат поголема инциденца на обезност, се ранливи на вирусот“, објасни д-р Селајах за „Дејли мејл“.
