Детската кашлица секогаш ги загрижува родителите, особено ако детето добива напади во сред ноќ. Иако кашлицата често, само звучи страшно, всушност во најголем број случаи се работи за незагрижувачка појава. Треба да се знае дека тоа е заштитна реакција на организмот кој рефлексно ги прочистува дишните патишта од шлајм и други излачувања.
МАЛА ФОКА
Тип на кашлица: Сува, длабока и атипична, обично се јавува во сред ноќ. Оваа кашлица ја следи звук кој потсетува на звуците што ги испушта фока.
Што треба да направите: Седнете со детето околу пет минути во бања исполнета со пареа (влагата ќе стимулира спуштање на слузта од белите дробови и ќе ја ублажи кашлицата). Во текот на ноќта, задолжително отворете прозор во спалната соба (свежиот воздух го ублажува отокот на слузницата на дишните патишта) и избегнувајте користење клима уред. Сепак, ако кашлањето се влошува, или детето отежнато дише, веднаш повикајте лекар. Во тој случај, на детето веројатно му е потребен лек против воспаление. Во спротивно, кашлицата ќе се повлече по три-четири дена.
КАШЛИЦА СО МНОГУ СЛУЗ
Тип на кашлица: Зрела, без забрзано или отежнато дишење и пропратни пискави звуци.
Што треба да направите: Чистете му го носето на детето што почесто, оти слевањето на слузта ждрелото поттинува кашлица. Кај бебињата и малите деца, кои не можат сами да го издуваат носот, користете капки за нос и пумпа за извлекување на слузта. Секако, пред користење на било кој медикамент, посоветувајте со педијатар. Ако, ни по една седмица не дојде до подобрување (носот ии натаму е затнат, а кашлицата не престанува), обратете се кај лекар. Упорните симптоми може да укажуваат на синузитис (бактериска инфекција на синусите, која се развива од обична настинка), или предупредуваат на алергија, астма и воспалние на белите дробови.
ОТЕЖНАТО ДИШЕЊЕ
Тип на кашлица: Сува, при што детето во настојување да дојде до воздух, отежнато дише.
Што треба да направите: Јавете се на лекат ако по една недела кашлицата на детето станува поинтензивна. Бебињата обично мораат да бидат хоспитализирани, поради контрола на кашлицата и ослободување на слузта од грлото. Болеста се лекува со антибиотици, иако овој тип на кашлица (пертусис) може да потрае со недели, па дури и месеци.
КАШЛИЦА ПО ОБРОК
Тип на кашлица: Упорна, се јавува по јадење и станува поинтензивна кога детето е во лежечка положба.
Што треба да направите: Обратете се на лекар ако кашлањето не се повлекува по две недели. Во тој случај, педијатарот веројатно ќе ве советува да го држите бебето во исправена положба барем половина час по оброкот, како и подигање на главата во креветчето.
СВИРЕЊЕ ВО ГРАДИТЕ
Тип на кашлица: Упорна, проследена со звук сличен на свирење, проследена со отежнато дишење, и обично трае подолго од 10 дена. Состојбата особено се влошува во текот на ноќта или ако детето е изложено на полен, ладен воздух, прашина, дим или ако се нашло во близина на животни.
Што треба да направите: Ако болеста се јави во поблага форма, симптом на астма обично е хронична кашлица. За поставување дијагноза непоходен е лекарски преглед, а педијатарот треба да се информира за сите случаи на алергија, астма или егзема во семејство (ако ги има), оти тоа го зголемува ризикот да заболи и вашето дете.
РАПАВА КАШЛИЦА
Тип на кашлица: Рапава, се јавува во еднакви интервали, може да биде сува или зрела.
Што треба да направите: Обратете се кај лекар ако телесната температура на детето е над 38 степени, ако упорно повраќа, има пролив или одбива да јаде и да внесува течности. За да се спречи детето да заболи од грип, распрашајте се кај педијатарот за вакциниацијата против оваа болест. Стручњаците посебно препорачуваат имунизација на деца на возраст од шест до 23 месеци, оти на оваа возраст тие се особено подложно на компликации кои ги предизвикува грипот. Важно е да се нагласи дека овој вид на инфекција може да се јаву во било кој период од годината, иако е почеста на пролет и во есен.
БРОНХИТИС
Тип на кашлица: Подмукла, обично проследена со забрзано, кратко и отежнато дишење.
Останати симптоми: Кај детето најпрво се јавуваат типични тегоби кои ја следат настинката, како што се кивање, затнат нос и зголемена температура (обично траат околу седум дена). Освен тоа, детето станува безволно и кога дише се слуша пропратен звук.
Што треба да направите: Побарајте лекарска помош ако забележите дека детето се бори за здив или е нервозно кога треба да јаде или пие. Понекогаш е неопходна хоспитализација заради адекватна примена на терапија. Ако симптомите се благи, а детето нема поголеми проблеми со дишењето, доволно е да му се даваат многу течности и да му се обезбеди свеж воздух во собата во која спие.
