Животот е полн со непредвидливи промени. Некои можат да бидат возбудливи и мотивирачки, додека други може да доведат до зголемен стрес, лошо здравје и чувство на анксиозност или вознемиреност. Според клиниката Мајо, стресот е всушност физички, ментален и емоционален одговор на предизвикувачки настани. Тоа е нормален дел од сечиј живот, вклучувајќи го и животот на децата.
Иако тоа се случува се почесто, понекогаш родителите не можат да препознаат дека нивното дете е под стрес. Токму затоа е неопходно да се реагира и на најмалите промени за родителите што е можно порано да видат дека детето е под стрес и да спречат несакани последици. Тие знаци го вклучуваат следново:
- Емоционални испади
- Зголемена раздразливост
- Проблеми со спиењето
- Ненадејно повлекување во себе
- Полоши оценки
- Чести главоболки или болки во стомакот
- Зголемен пркос
- Губење на интерес за активности во кои детето некогаш уживало.
Иако овие знаци не мора да значат дека детето е под стрес, психолозите предупредуваат дека споменатите симптоми често се некои од првите знаци дека детето тешко се справува со одредена ситуација или промена низ која поминува.
