Екстремните жештини претставуваат здравствен ризик за сите – и тоа е уникатен предизвик за децата кои сакаат да си играат надвор во летниот период. Малите деца се особено изложени на ризик за време на топлотен бран, но експертите велат дека сè уште можат безбедно да си играат — ако возрасните следат неколку упатства.
Екстремните температури можат да предизвикаат опасен стрес врз срцето, бубрезите и другите органи, а влажноста и дехидрацијата можат дополнително да ги влошат ризиците. Луѓето исто така можат да добијат изгореници од асфалтот и други површини — вклучувајќи ги и игралиштата.
Замислете дека имате компир и сакате да го зготвите, вели климатскиот научник Камило Мора, професор на Универзитетот на Хаваи во Маноа. Ако компирот е голем, топлината тешко ќе дојде до неговото јадро. Но помалите компири побрзо се готват, бидејќи топлината може брзо да стигне до нивниот центар. Тоа е точно она што се случува со децата
Неколку фактори ги изложуваат децата на ризик од топлина, од физичките карактеристики до веројатноста дека не се свесни за знаците на сопствената исцрпеност од топлина. Едно основно правило кое треба да се запомни е дека колку се помали, толку повеќе треба да се надгледуваат. Во продолжение ви носиме совети од експерти.
„Мислете на малите деца како на компири“
Децата под 9 години можат да бидат во посебен ризик од топлотен стрес. Дел од причината е нивното однесување — многу деца можат да се занесат толку многу што нема да ги забележат ефектите на високите температури, но другите фактори се физички.
„Замислете дека имате компир и сакате да го зготвите“, вели климатскиот научник Камило Мора, професор на Универзитетот на Хаваи во Маноа, за NPR.
Ако компирот е голем, топлината тешко ќе дојде до неговото јадро. Но помалите компири побрзо се готват, бидејќи топлината може брзо да стигне до нивниот центар.
„Тоа е точно она што се случува со децата“, рече Мора. „Децата се како мали компири во кои топлината може побрзо да стигне до јадрото. Додека кај возрасен, таа топлина потешко стигнува до средината и нè готви.“
Тоа ги прави децата поранливи на високите температури. Друг механизам е начинот на кој тие ја обработуваат водата.
Едно основно правило кое треба да се запомни е дека колку се помали децата, толку повеќе треба да се надгледуваат
„На телата на децата им треба подолго време за да го зголемат производството на пот и да се приспособат на топла средина во споредба со возрасните, покажуваат истражувањата,“ според KFF Health News. „Малите деца исто така се поподложни на дехидрација бидејќи поголем процент од нивната телесна тежина е вода.“
Бебињата можат да имаат потешкотии да ја регулираат телесната температура. И додека многу родители ставаат тенка крпа преку количките за да направат сенка за бебињата, истражувањата сугерираат дека тоа всушност може да ја направи температурата внатре во количката многу повисока.
Неколку чекори може да им помогнат на децата (и на возрасните) да се оладат
Најдобро е да најдете сенка, а идеално, климатизиран простор. Но, децата кои развиваат главоболка, вртоглавица или летаргија од топлината треба да се оладат брзо и да пијат вода.
„10-минутен студен туш може ефективно да ја намали внатрешната температура на вашето тело. Ако сте во ситуација кога немате клима, тоа е еден начин да го направите тоа“, вели Ешли Вард, директор на Heat Policy Innovation Hub на Универзитетот Дјук.
Вард и други експерти велат дека потопувањето на стапалата во ладна вода е уште еден брз начин за намалување на температурата на телото. Таа, исто така, забележува дека дури и потопувањето на рацете во вода до лактите, се покажало дека помага.
Кога нашите тела ќе достигнат температура од околу 40 степени целзиусови, тоа е знак за топлотен удар.
Погрижете се децата да останат хидрирани
Децата треба да пијат вода пред да излезат. Општо земено, кога децата се активни надвор, тие треба да пијат вода често. Еве уште неколку совети:
- Избегнувајте слатки и кофеински пијалаци на екстремна топлина – тие можат да предизвикаат дехидрација.
- Нивото на хидратација на нашето тело се рефлектира во урината. Светложолта боја е во ред; темножолта или портокалова сугерира дека на телото му треба повеќе вода.
- Ако многу се потите, комбинирајте вода со грицки или спортски пијалак за да ја замените солта и минералите што ги губите преку потењето, велат од Црвениот крст.
- Ако на децата им е доста од вода, млекото исто така може да биде добар избор, особено за младите спортисти, бидејќи содржи протеини, витамин Д и калциум. (NPR)
На што треба да внимавате ако излегувате надвор на жештиниве со вашите деца
- Кога одите на прошетка по топло време, нека биде наутро и навечер, а вашето дете облечете го во светла памучна облека, советуваат експертите.
- Избегнувајте да бидете на сонце помеѓу 10 и 17 часот. Ако тоа не е можно, останете во сенка и ставете капи на главите на децата. Исто така, не заборавајте да нанесете крема со висок заштитен фактор.
- Редовно нудете му вода на вашето дете и избегнувајте сокови и слатки пијалаци.
- Спакувајте крема за сончање, шише вода, влажни и суви марамчиња, лесен оброк, комплет резервна облека и комплет за прва помош со антисептик во вашиот ранец.
- Избегнувајте какви било интензивни активности, а на плажа можете да цртате, да сликате, да играте карти или да си додавате со топка под сенка.
- Во случај на топлотен удар кај детето, може да забележите промени во однесувањето, пораст на температурата, забрзана работа на срцето и дишење. Покрај тоа, детето може да се жали на главоболка, гадење и повраќање.
