Веста за потенцијалната врска помеѓу вакцините против Ковид-19 и срцевите заболувања кај помладите луѓе предизвика страв кај некои родители.
Детските кардиолози имаат порака за овие родители: Ковид-19 треба да ве загрижува многу повеќе отколку вакцините.
Овие две работи не можат да се споредат, велат тие.
Миокардитисот може да звучи застрашувачки, но постојат негови благи верзии. Во скоро сите случаи на вакцинирани млади луѓе (на возраст од 16 до 24 години), симптомите брзо се повлекле. Ковид-19, од друга страна, може да биде долгорочна болест и да убие некое младо лице, како што веќе уби илјадници од нив.
Широк е спектарот на миокардитис. Некои луѓе не чувствуваат ништо и се добро без третман, додека за други миокардитисот може да биде фатален
Си-Ен-Ен разговараше со педијатрискиот кардиолог Кевин Хол од Јеил и Стјуарт Бергер од Универзитетот Фајнберг за случаите на миокардитис што се појавија кај помлади луѓе по приемот на вакцините на Модерна или Фајзер. Овие лекари, како и Американското здружение за срце и Американската академија за педијатрија, препорачуваат вакцинација против Ковид-19 за помлади луѓе.
Што е миокардитис и колку често се јавува кај помладите луѓе?
Иако миокардитисот е релативно редок, тој се јавува кај млади луѓе и тоа многу пред да се појави Ковид-19. Најчесто е предизвикан од вирусна или бактериска инфекција. Вакцината против варичела претходно се поврзуваше со миокардитис.
Широк е спектарот на миокардитис. Некои луѓе не чувствуваат ништо и се добро без третман, додека за други миокардитисот може да биде фатален.
Луѓето се изложени на поголем ризик од развој на миокардитис од пубертет до раните триесетти години, според податоците на Фондацијата за миокардитис
Бергер проценува дека на одделот за итни случаи во болницата каде што работи во Чикаго во просек примаат по едно дете неделно со миокардитис во лето, период во кој коксаки и други вируси кои предизвикуваат миокардитис се во својот врв. Генерално гледано, овие млади луѓе имаку се здрави.
Луѓето се изложени на поголем ризик од развој на миокардитис од пубертет до раните триесетти години, според податоците на Фондацијата за миокардитис. Мажите имаат двојно поголема веројатност да развијат миокардитис од жените.
