Многу е тешко да се дисциплинира дете. Понекогаш може да биде емотивно. Родителот сака да види насмевка на лицето на своето дете, а не мрштење, солзи и страшни изливи на бес. Да му се каже на детето НЕ на погрешен начин, може да предизвика трајна штета, но ако тоа го направите на исправен начин може да направите детето да биде среќно, а вам да ви олесни.
Овде се девет ефикасни совети како на детето да му кажете “НЕ“.
Еднаш е доволно
Мора да бидете цврсти кога ќе одлучите да кажете „не„, така да нема потреба да повторувате. Користете сериозен израз на лицето и кажете му на детето зашто не може да биде онака како тоа што сака. Ако првото „не„ не успее, не бараје друг начин, односно начин да кажете „да„. Попуштањето е најголема грешка. Ако вашето дето научи дека со вознемирување може да ве натера да кажете „да„, често ќе манипулира со вас.
Објаснете
Не е доволно само да се каже „не„. Децата понекогаш не разбираат и најверојатно ќе го повторуваат негативното однесување додека не му понудите објаснување. Најефективен начин да кажете „не„ е да му понудите на детето добра причина која ќе може да ја разбере.
ДА може да значи и НЕ
Децата понекогаш може да слушнат премногу пати „не„, а тоа може да влијае на нивниот развој на говорот, како и да предизвика огорчување. Сосема е можно да му кажете на детето ДА, а притоа да мислите на НЕ. На пример, ако детето сака колач, може да кажете: Да, може да добиеш колач, но после вечерата. Ако детето сака играчка кога сте во продавница, може да кажете: Да, ако е тоа она што го сакаш, ќе го добиеш за роденден. На овој начин детето ќе добие шанса да го добие она што го сака, но во одредено време. Вака ќе го научите и на компромис.
Не викајте
Викањето на децата може да еднакво лошо како и удирањетп, а покрај тоа може да предизивка и пореметување во однесувањето и проблеми со емоционалниот развој. Последиците од викањето по децата може да бидат многу големи. Родителите треба да бидат свесни дека постојаното викање може да предизвика депресија и лоша самодоверба. Важно е да научите да комуницирате на мирен и пријателски начин.
Почитувајте ја нивната приватност
Не ги срамите децата пред другите луѓе. Обидете се да го привлечете нивното внимание, одете на некое поскриено место и јасно кажете ги вашите причини зошто сте рекле НЕ. Голема е можноста детето да ве одбие, ако го посрамотите во јавност и ако пријателите почнат да го исмејуваат заради тоа. Запомнете, ако го посрамотите детето во јавност, тоа ќе ви го направи и вам истото.
Кажете НЕ со понудена алтернатива
Кога на детето му понудите и друга алтернатива, тоа може да сфати и дека не го одбивате неговото барање во целост. На пример: Не мило мое, не може да добиеш слатки, но може да добиеш јаболко наместо тоа„. Кога ќе му понудите друга алтернатива, притоа објасните му на детето дека таа замена е поздрава.
Не им давајте лажна надеж
Родителите често велат: Не сега. Ако не сега, кога? Ако не ги исполните дадените ветувања, вашето дете може да почне да губи доверба во вас. Дајте му на детето конкретен одговор кога може да очекува неговата желба да биде исполнета. На пример: Ќе го купиме тоа на некој празник или роденден.
Дозволете му на детето да избира
Кога детето има право на избор, со тоа ќе стекне впечаток дека и неговото мислење има вредност. Нема да чувствува дека го игнорирате. Ако детето јаде овесни снегулки за појадок, дозволете му да ги избере омилените.
Никогаш не зборувајте спротивно од партнерот
Често се случува едниот родител да каже „не„, и во истиот момент детето оди кај другиот родител кој ќе каже „да„. Ова може да предизвика кавги меѓу сопружниците, а со тоа да го научите детето да манипулира. Партнерите меѓусебно мора да комуницираат и заедно да донесуваат одлуки.
