Факт е дека три од пет лица во светот умираат од болести кои се поврзани со воспаленија, а тоа е знак за аларм.
ШТО ХРОНИЧНОТО ВОСПАЛЕНИЕ МУ ПРАВИ НА ТЕЛОТО?
Раните симптоми на хроничното воспаление може да бидат скриени со појава на суптилни симптоми кои може да поминат незабележани долго време. Може да чувствувате замор, а како се равива воспалението, влијае на оштетување на артериите, органите и зглобовите. Ако состојбата не се држи под контрола, може да предизвика болести на срцето, крвните садови, дијабетес, рак и останати состојби.
Клетките на имуниот систем кои предизвикуваат воспаленија, може да допринесат за таложење на масни наслаги на артериите. “Тој плак во некој момент може потенцијално да предизвика запушување на крвните садови“, вели кардиологот Џејмс Греј.
КАКО ДА СЕ СПРЕЧИ ПОЈАВА НА ВОСПАЛЕНИЕ?
Запомнете кои се антивоспалителни намирници
Изборот на храна е важен исто колку и лековите или суплементите кои ги земате за целокупно здравје, а може да ве заштити и од воспаление.
“Правилниот избор на намирници во исхраната вклучува свежо овошје и зеленчук, како и намален внес на шеќери“, потеницра д-р Варинтхреј Питис, стручњак за интерна медицина.
Изберете намириници кои содржат омега 3 масни киселини, а тоа се риба (како лосос и туна), ореви, семиња и соја. Добар избор е и грозјето, целерот, лукот, маслиновото масло, како и чај и зачини од ѓумбир и рузмарин. Медитеранската исхрана е совршен пример за антивоспалителна исхрана.
ОГРАНИЧЕТЕ ГО ВНЕСОТ НА ХРАНА ШТО МОЖЕ ДА ПРЕДИЗВИКА ВОСПАЛЕНИЈА
Ова се однесува на храна како црвено месо, сè што содржи транс масти.
Контролирајте го шеќерот во крвта. Елиминирајте ги едноставните јаглехидрати од вашата исхрана, како што се брашно, бел ориз, рафиниран шеќер и сè што е богато со фруктоза.
Лесно е да се избегне бел леб, тестенини и храна подготвена од бел шеќер и брашно. Оброците треба да се состојат од чисти протеини и намириници кои се богати со растителни влакна, како што се зеленчук, овошје и житарки од цели зрна.
НЕ ЈА ПРЕСКОКНУВАЈТЕ ФИЗИЧКАТА АКТИВНОСТ
„Редовното вежбање е одличен начин да се спречи воспалението“, вели д-р Греј. Одвојте 30 минути секој ден за аеробни вежби и 10 до 20 минути за вежби на вашата сила, а нив вклучете ги во вашиот распоред најмалку 5 дена во неделата.
ОСЛОБОДЕТЕ СЕ ОД ВИШОКОТ КИЛОГРАМИ
Луѓето со прекумерна тежина, исто така, почесто страдаат од воспаленија, но доколку го намалат тој вишок, тие ќе ја намалат и можноста воспаленијата да се повторат.
КОНТРОЛИРАЈТЕ ГО СТРЕСОТ
Хроничниот стрес придонесува за појава на воспаление. Искористете ги предностите на медитацијата, јогата, визуелизацијата или слични методи кои ќе ви помогнат да се справите со стресот во текот на целиот ден. „Можеби не можеме да ги менуваме стресните ситуации со кои се соочуваме секојдневно, но можеме да го промениме нашиот одговор на нив, учејќи како да се смириме“, вели д-р Греј.
