Зад вас е бременоста, која секогаш ќе ја паметите како еден поинаков период, исто како и што велат -втора состојба. Можеби ви било прекрасно, можеби тешко, можеби напорни, можеби најдоброто досега. Но, сигурно многу работи, без разлика на се што сте прочитале и слушнале за бременоста, ве изненадиле. Има тука и прекрасни изненадувања, понекогаш малку помалку прекрасни, а понекогаш и смешни. Така е и со бебето кога ќе се роди.
Во текот на бременоста, бебето во утробата поминува низ неверојатно развојно патување, но чудата не престануваат ниту по раѓањето. Првата година е полна со интересни настани, повеќе отколку што можете да замислите. Некои од овие настани ќе сакате брзо да ги снимите во радосницата на вашето бебе, а за некои нема ни да знаете дека се случуваат. Ви претставуваме 10 работи што му се случуваат на вашето бебе во текот на првата година, понекогаш без ваше знаење.
1. Вашата љубов и внимание го стимулираат растот и развојот на мозокот на бебето (научно докажано!)
2. Бебињата поминуваат половина од времето на спиење во РЕМ фаза, поврзано со сонување (во споредба со 25 проценти кај возрасните).
3. По околу шест недели, вашето бебе ќе може да оствари директен контакт очи во очи.
4. Од шестиот месец ќе се труди да ви ги чита од усни.
5. Ќе ви требаат многу пелени – новороденчето мокри на секои 20 минути, а тој интервал се зголемува на еден час за околу шест месеци.
6. Во просек, бебето расте помеѓу 2,5 и 3,5 сантиметри месечно.
7. Помеѓу шестиот и 12-тиот месец, пигментот меланин во очите на бебето се активира и бојата на очите станува трајна.
8. Првата „вистинска“ насмевка на бебето веројатно ќе се појави помеѓу петтата и седмата недела по раѓањето.
9. Бебињата се раѓаат без “чашки“ на колената, а за целосно да се развијат ќе бидат потребни повеќе од шест месеци.
10. Бебето може да дише и да голта во исто време до седуммесечна возраст.
