Лекарите во Полска на млада пациентка и отстраниле циста на јајниците тешка речиси 100 килограми.
Шуплина исполнета со течност се формирала на јајникот на 24-годишна жена, информираа од Универзитетската клиничка болница од југоисточниот полски град Жешов. „Повеќето пациенти доаѓаат во болница со цисти со големина 20-30 см, кои се сметаат за големи. Оперираниот тумор имаше пречник околу еден метар“, објасни д-р Ана Богачик од гинеколошкиот оддел.
Кога се пријавила во болница пред една недела, пациентката која е висока 158 сантиметри тежела 182 килограми.
Прегледот бил исклучително тежок бидејќи пациентката не можела да се смести во КТ скенерот, изјавиле лекарите. „Никогаш порано не сум видел толку огромна циста. Како лекарски тим, само отприлика знаевме со што си имаме работа. Обемот на стомакот не дозволуваше снимање, бидејќи пациентката не можеше да влезе во КТ скенерот. Индикативен беше и ултразвучниот преглед, трансдукторот не стигаше до другиот крај на цистата“, рече Томаш Клуз, шеф на гинекологија во болницата.
Кога се пријавила во болница пред една недела, пациентката која е висока 1,58 сантиметри тежела 182 килограми. И покрај својата состојба пациентката можела самостојно да се движи
За време на операцијата, лекарите извадиле околу сто литри течност и потоа ја отстраниле цистата. Не нашле други патолошки промени во карлицата или стомакот.
И покрај својата состојба пациентката можела самостојно да се движи.
„Од страв не дојдов порано во болница“, раскажа пациентката. Пред зафатот ме болеше грбот, не можев далеку да одам, се задишував, општата состојба ми беше лоша. Жените кои имаат слични проблеми не треба да се плашат од посета на лекар. Ова е единствена шанса за оздравување и враќање во нормален живот. Мои непосредни планови се да излезам од болницата, да се „отарасам“ од кожата која виси, да се вратам на работа и да oсновам семејство“, изјави пациентката, а пренесоа од болницата.
