Луѓето со благи симптоми на Ковид-19 кои не страдаат од други вообичаени симптоми на долг Ковид, и понатаму може да имаат намалено внимание и помнење шест до девет месеци по инфекцијата, покажа студијата на британскиот универзитет Оксфорд.
Когнитивните проблеми кои влијаат на способноста за концентрација, заедно со заборавеноста и заморот, се одлики на долготрајниот Ковид – состојба која влијае на некои луѓе по првичната инфекција.
Истражувачите велат дека студијата открила дека епизодното помнење и способноста за концентрација генерално се враќаат во нормала по шест, односно девет месеци
Сè уште не е утврдено колку проблемите со вниманието би можеле да бидат широко распространети по инфекција со коронавирус.
Во студијата, учесниците кои претходно биле позитивни на коронавирус, но не пријавиле други вообичаени симптоми на долг Ковид, биле замолени да учествуваат во тестовите за меморија и когнитивни способности.
Истражувачите откриле дека учесниците биле значително полоши во присетувањето на личните искуства, познати како епизодно помнење, до шест месеци по инфекцијата. Тие, исто така, имале поголем пад на способноста за одржување на вниманието од неинфицираните поединци до девет месеци по инфекцијата.
Когнитивните проблеми кои влијаат на способноста за концентрација, заедно со заборавеноста и заморот, се одлики на долготрајниот Ковид – состојба која влијае на некои луѓе по првичната инфекција
„Она што изненадува е дека, иако нашите испитаници кои го прележале Ковид-19 ги немале вообичаените симптоми на болеста во време на тестирањето, сепак, тие имале нарушено внимание и помнење“, рече д-р Сиџија Жао од Катедрата за експериментална психологија на Универзитетот Оксфорд.
„Нашите наоди откриваат дека хроничните когнитивни последици може да траат со месеци кај луѓето.“
Истражувачите рекоа дека студијата открила дека епизодното помнење и способноста за концентрација генерално се враќаат во нормала по шест, односно девет месеци.
Учесниците исто така покажале добри резултати во тестовите за други когнитивни способности, вклучително и работна меморија и планирање. Студијата опфатила 136 учесници.
Стивен Бурџис од Одделот за биостатистика на МРЦ на Универзитетот Кембриџ истакна дека иако бројот на испитаници бил мал, „разликите меѓу групите со Ковид и без Ковид во смисла на неколку специфични карактеристики на когнитивната способност анализирани во оваа студија биле впечатливи“.
