Возрасните обично можат да ја канализираат лутината, додека кај децата оваа емоција е различна. Кај нив лутината најчесто се карактеризира како бес, па децата често и се казнуваат за овие испади бидејќи нивните родители не можат да ги разберат.
Амбика Агарвал, експерт за детски разовј објаснува што значи детскиот гнев и лутина, но и кои се најчестите причини кои го предизвикуваат.
- Незадоволени потреби на детето
Една од главните причини за детската лутина е ситуација во која потребите на вашето дете не се задоволени. Незадоволните потреби се потреби кои не биле исполнети или биле запоставени. Тоа може да биде ситуација кога детето е гладно или жедно, кога сте му ветиле дека ќе играте нешто, а потоа сте заборавиле на тоа…
- Недостаток на моќ
Друга причина е што ако родителите го потценат детето, поточно не му дозволуваат право на глас. Ова може да биде многу вознемирувачко. Децата сакаат толку многу да се изразуваат, но понекогаш не знаат како да го обликуваат и кажат, па поради тоа се акумулира бес.
Како треба да се постават родителите?
Агарвал вели дека најдобро решение е да останете смирени и да не го кревате гласот доколку детето го кренало. Важно е да не покажувате лутина и да не го сфаќате однесувањето на детето како нешто лично. Наместо тоа, обидете се да го препознаете предизвикувачот, игнорирајте го негативното однесување, дајте им на децата моќ и избор и да ги научите на соодветно примерно однесување.
