Истражувањето спроведено од страна на научниците од Империјал колеџ во Лондон, Велика Британија, насловено како REACT-1, покажало дека 65% од луѓето заразени со омикрон варијантата на коронавирус претходно имале Ковид-19.
- Ризикот од повторна инфекција со коронавирус бил најизразен кај здравствените работници и членовите на домаќинства со поголем број лица, особено деца
Во студијата биле користени податоци собрани од околу 100.000 луѓе тестирани со PCR во првите две недели од оваа година. Околу 4.000 тестирани луѓе кои биле позитивни, и скоро сите биле заразени со омикрон варијантата на коронавирус, рекле дека претходно биле заразени со Ковид.
Претходните проценки сугерираа дека околу 10% од случаите на омикрон се однесуваат на луѓе кои претходно биле заразени со коронавирус.
Студијата, исто така, покажала дека омикрон речиси целосно ја заменил делта варијантата.
