Стресот е секојдневие на секој родител. Грижите околу финансиите, работните обврски и листата на задачи што мора да се извршат, константно сите ги говедува до граница на издржливост. Истражување од 2010 година покажало дека децата кои тврделе дека нивните родители се под стрес, се изложени на поголема количина на стрес. Тие изјавиле дека се тажни, загрижени и фрустрирани, а нивните родители воопшто и не биле свесни за тоа.
Стресот сериозно може да го наруши здравјето на родителите, но истовремено ги става и децата под голем ризик. Бројни студии покажуваат дека хроничната напнатост неповолно влијае на менталното и физичкото здравје на децата. Децата ги впиваат грижите и проблемите на родителите, па кога родителот е под стрес и тие се загрижени, а кога е смирен и тие се чувствуваат сигурно и задоволно.
Ова се некои докажани и препорачани начини како да се препознае стресот, да се намали анксиозноста, и како да се држат сопствените грижи под контрола.
Препознајте ги знаците на стрес
Со оглед дека повеќето деца нема да им пријдат на родителите и да им кажат “Јас сум под стрес“, побарајте некои од овие знаци кои јасно укажуваат дека вашето дете е под тензија:
- Детето се однесува иритантно или често го менува расположението
- Се повлекува од омилените активности
- Изразува загриженост
- Се жали повеќе од вообичаено
- Плаче
- Јаде и спие премногу или премалку
- Има болки во стомакот и главоболки, кои може да бидат пратечки сигнали на стресот
Дајте им контрола
Давањето избор на децата, како и чувството на контрола им помага да се изборат со стресот. Информирајте ги за одлуките и промените кои можеби влијаат на нив, така да имаат доволно време да се навикнат на новата ситуација.
Вежбајте заедно
Физичката активност ослободува ендорфин, хормон кој е задолжен за намалување на стресот. Организирајте семејни прошетки, возете велосипеди или едноставно пуштете ја омилената песна и играјте заедно во дневната соба. За да го држите сопствениот стрес под контрола, редовно вежбајте.
Избегнувајте непотребни стресни ситуации
Кажете НЕ на дополнителните обврски, кора распоред ви е преполн. Прескокнете филмови, телевизиски емисии или вести кои ве прават нервозни. Повлечете се од односи или ситуации кои за вас се непријатни. Стојте настрана од луѓе, места и работи кои ве прават да се чувствувате анксиозно и несреќно.
Галење
Кога чувствувате дека нивото на стрес расте, галете се со децата. Само нежно минување со раката по грбот на детето, може да ја ослободи тензијата и да ви помогне да се опуштите.
Организрајте го времето
Еден од најефикасните начини да се заштите од дополнителен стрес е да водите сметка за себе за да може полесно да се носите со непланираните предизвици во животот. Најдете време за активностите кои ги сакате. Не заборавајте да се смеете. Смеењето му помага на телото да се избори со стресот, а истовремено ги треа и децата на смеа.
