Стапката на хоспитализација кај невакцинираните деца на возраст од 5 до 11 години е двојно повисока во однос на вакцинираните во периодот на рекордно зголемување на новите случаи на КОВИД-19 предизвикани од инфекции од омикрон варијантата, покажале резултатите од американска студија објавена завчера.
Од средината на декември до крајот на февруари, поради последици од КОВИД-19 биле хоспитализирани 19,1 отсто деца на 100.000 невакцинирани во возрасната група од пет до 11 години, во споредба со 9,2 отсто хоспитализирани на секои 100.000 вакцинирани, информираше Центарот за контрола и превенција на болести на САД.
Научниците ги проучувале податоците за речиси 400 хоспитализации во 14 американски држави кои се однесуваат на споменатиот период.
Со студијата е утврдено дека меѓу 397 деца хоспитализирани поради КОВИД-19 во време на доминација на омикрон варијантата, 87 отсто од нив биле невакцинирани, една третина не боледувала од некоја претходно постоечка болест, а 19 отсто завршиле на оддел за интензивна нега.
Високо заразната варијанта омикрон, која резултираше со рекорден број на инфекции во САД во јануари, влијаела и на зголемувањето на бројот на хоспитализирани лица од КОВИД-19 меѓу помлади од 18 години, предизвикувајќи загриженост за здравјето на невакцинираните деца.
Според податоците на Центарот, само 28 отсто од децата во таа возрасна група, или околу 8 милиони, се целосно вакцинирани.
Студијата, исто така, покажала дека стапката на хоспитализации поради КОВИД-19 кај децата на возраст од пет до 11 години била многу повисока во времето кога преовладувала омикрон варијантата, отколку колку доминантна била делта.
