Податоци од истражување објавено во интернет списанието JAMA Network Open покажуваат дека едно од пет лица кои боледуваат од КОВИД-19 ја шират заразата во своето домаќинство. Инфекцијата се шири побрзо во семејствата во кои болното лице има симптоми во споредба со оние кај кои заразените имаат поблаги или воопшто немаат симптоми.
Процентот на лица со симптоми кои го пренеле КОВИД-19 на семејството во домот е 18 проценти, додека за оние со благи симптоми или без симптоми е само еден процент. Брачните партнери чинат 38 проценти од лицата кои инфекцијата на пренеле со домот.
Научниците анализирале податоци од 54 веќе објавени истражувања за пренесувањето на КОВИД-19 во домот.
При тоа е утврдено дека во случај на пренесување на КОВИД-19 во домот, само 17 проценти од децата се заразиле, за разлика од 28 проценти возрасни лица.
Заклучокот е дека домаќинствата се погодни за ширење на инфекцијата бидејќи главно се работи за мали простори каде што луѓето се сите блиску еден до друг. Најдобрите форми на превенција и натаму се носење маска, миење раце и одржување на препорачаното растојание.
