Без разлика на која возраст се, да им се обезбеди на децата здрав, заситен и брз појадок може да биде предизвик. Утрата со деца се секогаш хаотични, понекогаш и стресни, а тоа го знаат и педијатрите.
Кога нејзините деца биле мали, педијатарката д-р Даниел Грант се мачела со нивната пребирливост. Што и да подготвила, на никој од трите деца не им одговарало. Со текот на времето, таа научила да ги задоволи сите. Еве што педијатрите предлагаат да им дадете на децата за појадок.
- Сендвич со јајца
Д-р Кристина Џонс има деца на возраст од 15 и 18 години, кои претпочитаат топол појадок, па најчесто им послужува сендвичи со јајца и сирење. Таа, исто така ги поттикнува децата да додаваат други хранливи состојки во сендвичите, како авокадо или салата.
„Навистина се залагам за сендвич со јајца бидејќи тоа е оброк кој содржи протеини, млечни производи, влакна и јаглехидрати и може да се прилагоди со други состојки“, вели д-р Џонс.
- Овошје
Д-р Џонс на децата им нуди и овошје, особено кога им се брза. Потоа им пакува банана или бобинки, кои може да ги изедат на пат до училиште.
- Домашни мафини
Диететичарката Ејми Рид обично им подготвува домашни мафини на децата, кои ги прави од пасирана тиква, банана, праска, јаболка или морков. Вели и дека наместо бело брашно користи интегрално брашно.
- Остатоци од вечерата
Педијатарката д-р Шели Вазири вели дека нема срамота да јадете остатоци од вечерата за појадок. На пример, нејзините деца сакаат кога уште наутро ќе им се сервираат шпагети со ќофтиња.
„Мене тоа ми звучи ужасно, но на ќерка ми не и пречи ниту подгревано пилешко и ориз за појадок“, вели таа.
- Протеинско смуди
За нејзините деца да добијат доволно протеини, Рид понекогаш им прави смуди со јагоди, сок од лимон, грчки јогурт, малку млеко и протеински прав. Знае да додаде некое друго овошје или свежа краставица.
Уште некои други идеи се вафли и палачинки, но не од бело брашно, туку од алтернативи од интегрални житарки.
