Мангото е здрава намирница, за која некои педијатри даваат зелено светло за нејзино воведување во исхраната на бебето веќе од шестиот месец, додека други пак сметаат дека за давање на ова овошје треба да се причека до осмиот месец на бебето, кога почнуваат да се воведуваат и други цитруси поради можени алергиски реакции.
Како да се одбере и да се чува мангото?
Мангото не спаѓа во овошје кое се прска и кое е загадено со пестициди. При избор на плодот, тој треба да биде мек кога ќе го стиснете, но не толку да остане трага на прстите. Мангото обично е со цврено портокалова или златно жолта боја. Не е неопходно да се чува во фрижидер, но се препорачува да се набавува свежо.
Зошто е добар избор за бебето?
Мангото изобилува со витамин А и висок процент на каротеноиди. Содржи малку калории и масти, но има висок процент на влакна кои го потпомагаат варењето кај бебето. Мангото содржи и витамин Ц и Б, железо, потасиум – протеин кој е потребен кај детето за нормален раст. Во мали количини содржи и витамини К и Е, магнезиум и калциум.
Може ли да се појави алергија на манго?
Мангото е тропско овошје, па со самото тоа носи и ризик како и останатото тропско овошје. Не е познато дека мангото може да предизвика алергија која може да го загрози живото на детето, а ако се јави алергија таа само предизвикува кожни промени, како осип. Самата содржина на овошјето не дава никаква алергиска реакција, бидејќи не содржи алергени. Но, доколку се случи мангото да не е добро излупено, може да дојде до реакција во усната шуплина на детето или околу устата, како и кај газето, при исфрлање на изметот.
