Децата растат и се развиваат, а за тој процес им треба цела палета на хранливи материи. Правилната исхрана им обезбедува протеини, витамини и минерали кои се неопходни за развој на здрави коски, мускули, органи и ткива. Децата обично се поактивни од возрасните и имаат потреба од енергија за да ги задоволат потребите за физичка активност и игра.
Експертите од Школата за јавно здравје Харвард Т.Х. Чан објаснуваат како треба да изгледа детската чинија.
„Половина од чинијата наполнете ја со шарено овошје и зеленчук, а другата половина рамномерно поделете ја на житарици со цели зрна и здрави протеини“, советуваат тие.
Колку повеќе зеленчук и овошје, толку подобро
Експертите советуваат децата да консумираат различни видови и бои на зеленчук за да ги внесат потребните хранливи материи во организмот. Тие предлагаат зеленчук без скроб и зелен, лиснат зеленчук. Исто така, кога станува збор за овошјето, напоменуваат дека е подобро тоа да биде цело овошје, а не овошни сокови, чиј внес треба да се ограничи на една мала чаша дневно.
Намалете го внесот на преработени житарици
Кога станува збор за житариците, тие треба да сочинуваат 30% од исхраната. Се препорачуваат пченица со цело зрно, кафеав ориз и киноа, а не преработени видови како бел ориз, леб и тестенини.
Децата треба да консумираат различни видови и бои на зеленчук за да ги внесат потребните хранливи материи во организмот. Тие предлагаат зеленчук без скроб и зелен, лиснат зеленчук. Исто така, кога станува збор за овошјето, напоменуваат дека е подобро тоа да биде цело овошје, а не овошни сокови, чиј внес треба да се ограничи на една мала чаша дневно
Протеините се исклучително важни
Експертите забележуваат дека децата мора да консумираат протеини и од растителен и од животински извор. На родителите им се предлага да им служат на децата грашок, јаткасти плодови, семиња, риба, јајца и месо од живина, додека внесувањето на црвено и преработено месо треба да се намали.
