Во исто време кога пандемијата на коронавирус го тероризира светот, почнува и сезоната на алергии во Европа, Велика Британија и САД
♦♦♦♦♦♦♦
Експертите предупредуваат дека алергиите можат да влијаат на вашиот респираторен систем, правејќи го покревок, со што лицата склони кон алергија би можеле полесно да се заразат со Ковид-19 или да развијат потешки симптоми доколку се веќе заразени, пишува „Си-ен-ен“.
„Кога имате алергија, во вашето тело доаѓа до воспалителен процес“, објаснува д-р Лаки Рајт, која е на специјализација за алергии и имунологија во болницата „Brigham and Women’s“ во Бостон. „На пример, ако сте алергични на полен и го вдишите преку носот, тој ќе почне да ве чеша, да тече и очите ќе ви солзат. Тоа создава инфламација која може да ги ослабне бариерите на вашето тело и на тој начин да им го олесни влезот на вирусите“.
Алергиите можат да влијаат на вашиот респираторен систем, правејќи го покревок, со што лицата склони кон алергија би можеле полесно да се заразат со Ковид-19 или да развијат потешки симптоми доколку се веќе заразени
„Се што може да направите за да го намалите создавањето на слуз и помала инфламација ќе му помогне на вашето тело полесно да се справи и со другите заболувања, како што е некоја вирусна болест која исто така би создала воспаление“, додава педијатарот Мет Дагерти, кој е специјализиран за лекување на деца со астма и алергии во медицинска установа „Esse Health“ во Св. Луис, Мисури.
Што можете да направите?
Ако сте склони кон алергии во текот на пролетта, експертите сметаат дека треба да преземeте мерки на претпазливост за да ги одржите вашите бели дробови колку што е можно поздрави.
„Доколку имате историја на алергии бидете сигурни дека ќе почнете да ги земате вашите лекарства кои ги контролирале вашите симптоми во минатото“, вели Дагерти.
„Обидете се да ја минимизирате изложеноста на тригерите за алергија“, вели Рајт. Ова секако треба да биде надополнето со практикување на добра хигиена, миење на рацете и социјално дистанцирање, со цел да се осигураме дека ја минимизираме изложеноста на вируси.
(Извор: Си-ен-ен)
