Децата се јавуваат во лекарските клиники заразени со дури три различни типа на вируси, за што експертите веруваат дека е резултат на ослабениот имунолошки систем од двегодишното заклучување поради Ковид-19 и носење маски.
Медицинскиот персонал очекува пораст на случаите на грип и тешки настинки во текот на зимата. Но, тие известуваат дека нема вообичаен пад како што се приближува летото – и се сомневаат дека тоа би можело да се должи на строгите пандемиски практики. Понатаму, некои од вообичаените типови на грип се чини дека исчезнале, што ги вознемири научниците.
„Ако не сте изложени на вируси подолго време, го губите имунитетот на инфекции и сте поподложни кога општеството повторно ќе се отвори и може да бидете изложени на повеќе вирусни инфекции во исто време“,
професор Пол Хантер, експерт за заразни болести на Универзитетот во Источна Англија
Професорот Томас Мареј, експерт за контрола на педијатриски инфекции на Јеил, изјави за „Вашингтон пост“ дека неговиот тим гледа деца со комбинации од седум вообичаени вируси – аденовирус, риновирус, респираторен синцицијален вирус (RSV), човечки метапневмовирус, грип и параинфлуенца, како и коронавирус.
Некои деца биле примени со два вируса, а неколку со три, рече тој.
„Тоа не е типично за кое било време од годината и секако не е типично во мај и јуни“, додаде проф. Мареј.
Податоците од Американскиот центар за контрола и превенција на болести покажаа пониски вкупни нивоа на инфекции со грип кај малите деца, но абнормален бран што започнал пред неколку недели за време на почетокот на летните месеци, вообичаено мртов период за респираторни инфекции.
Може да дојде до зголемување на тројните инфекции подоцна оваа година
Повеќе Британци од кога било се изложени на ризик од тројни инфекции оваа година бидејќи заклучувањето го потисна имунолошки систем, предупредуваат научниците.
Тамошните водечки виролози стравуваат дека претстои лоша епидемија на грип, бидејќи вирусот ефективно се удавил со ограничувањата што биле употребени во борбата против Ковид, што значи дека нацијата има мал имунитет против него.
Иако може да се појават тројни инфекции, научниците инсистираат на тоа дека тие најверојатно нема да резултираат со тешка болест
Но, бескрајниот циклус на ограничувања за контрола на вирусот, исто така, го остави општеството ранливо на други сезонски болести, како што се РСВ и аденовирус. Исто така, се очекува и Ковид да продолжи да циркулира.
Професорот Пол Хантер, експерт за заразни болести на Универзитетот во Источна Англија, рече дека лошата година на грип неизбежно „ќе го зголеми ризикот од тројни инфекции“.
Тоа доаѓа откако американските лекари известија дека децата се јавуваат во клиниките заразени со три вируси во исто време, нешто кое како што се тврди е резултат на политиките за Ковид што влијаело врз ослабување на нивниот имунолошки систем.
Професорот Хантер рече дека со оглед на тоа што се случува во странство, може да дојде до зголемување на тројните инфекции подоцна оваа година.
„Верувам дека Австралија страда од бран на грип во моментов. И знаеме дека ако во Австралија се влоши во текот на летото, нам ќе ни биде лошо следната зима. Не е неразумно да се очекува дека оваа година ќе имаме лош грип и ќе го зголемиме ризикот од тројни или коинфекции“.
Тој објасни дека со вообичаени сезонски „бубачки“ како настинка и грип, луѓето се инфицираат, а потоа уживаат во период на засилена заштита, со нивниот имунолошки систем како чувар од вирусите. „Тоа може да биде кратко како неколку години, но може да биде и малку подолго“, рече тој. „Тоа е случај со другите коронавируси, грип, норовирус и аденовируси, на пример“.
Но, професорот Хантер додаде дека ако луѓето се изолирани подалеку од овие вируси на подолг период, како што се случи за време на две години затворање поради Ковид-19, оваа заштита е значително намалена.
„Ако не сте изложени на вируси подолго време, го губите имунитетот на инфекции и сте поподложни кога општеството повторно ќе се отвори и може да бидете изложени на повеќе вирусни инфекции во исто време“, рече тој. „Тоа исто така значи дека кога сте изложени, ако јазот бил доволно долг, може да се разболите многу повеќе отколку што вообичаено би сте се разболеле.“
Д-р Сајмон Кларк, клеточен микробиолог на Универзитетот во Рединг, рече дека тројните инфекции се „невообичаени, но не и нечуени“.
Д-р Кларк, исто така, додаде дека заклучувањата и другите ограничувања поради пандемијата го намалиле нашиот имунитет на овие вируси, но додаде дека ова, сепак, е најдобриот исход во споредба со дозволувањето на Ковид-19 да продре низ населението.
„Тоа е несакана последица… но цената на тоа да се направи на овој начин е помала отколку да не се направи“, рече тој.
Иако може да се појават тројни инфекции, научниците инсистираат на тоа дека тие најверојатно нема да резултираат со тешка болест кај вакцинираните.
Научниците претходно предупредија дека вирусите сигурно ќе се вратат откако беа отфрлени маските за лице, социјалното дистанцирање и другите ограничувања на пандемијата, пишува „Дејли мејл“.
