Закрепнувањето на некои луѓе може да трае неколку месеци по болеста. Овие лица имаат некое чувство на малаксаност, општа исцрпеност, болки во мускулите и зглобовите, понекогаш зголемена температура, а она што загрижува е тоа што еден дел од луѓето кои имале поблага форма на болеста, имаат промени и во централниот нервен систем и на срцето
„Од COVID-19, и тоа од тешките облици на болеста, заболуваат и помлади луѓе кои немаат хронични заболувања. За среќа, тоа не завршува со смртен исход. Меѓутоа, и тие исто така завршуваат на кислород, па можат да завршат дури и на респиратор и механичка вентилација. Нивното закрепнување трае извесно време. Се повеќе се зборува за оваа пост-COVID состојба, која е присутна и кај помладите луѓе на кои им требаат и по неколку месеци за да се опорават од тешката форма на болеста што ја имале“, објасни епидемиологот Горанка Петровиќ од Хрватскиот институт за јавно здравје за време на ТВ гостување во емисијата „Нови дан“. Петровиќ открива и со што се соочуваат овие лица.
„Имаат некое чувство на малаксаност, општа исцрпеност, болки во мускулите и зглобовите, понекогаш зголемена температура, а она што загрижува е тоа што еден дел од луѓето кои имале поблага форма на болеста, имаат промени и во централниот нервен систем и на срцето.
„Голем број на пациенти, околу 80%, имаат многу блага клиничка слика, а останатите 20% имаат тешка клиничка слика. Овие тешки клинички слики не се појавуваат веднаш при појава на првите симптоми, туку во втората недела од болеста и во најголем дел се припишуваат на имунолошкиот одговор на вирусот. Кога ќе се појават овие компликации, всушност тие луѓе најчесто не се заразни, но имунолошкиот систем претерано реагира, се создаваат нарушувања кои доведуваат до колапс на општата состојба на организмот“, објаснува Петровиќ.
Епидемиологот додава дека не е можно да се предвиди кој ќе има потешка клиничка болест, но постарите лица и оние со хронични болести се изложени на поголем ризик. (Н1)
