Во текот на есента и зимата, децата во училиште и градинка многу често се разболуваат. Кашлица, кивање, затнат нос се речиси редовна појава. Д-р Мона Амин, педијатар од искуство и како лекар и како мајка ги советува родителите како да ја надминат оваа состојба.
“Како педијатар и мајка на едно дете, свесна сум колку е тешко кога детето ќе се разболи. Секогаш сакаме детето да ни биде здраво и среќно додека расте, но кашлањето и кивањето се честа појава“.
Имунитетот е многу важен во заштитата од вируси и настинки. Секој сака детето да му биде здраво. Сепак, настинките и вирусите се неминови во некој момент. А, како детето да ви остане здраво во текот на сезоната на вируси? Ова се мои совети до родителите.
ВАЖНА Е ХИГИЕНАТА
Најдобар чекор во спречување на контактот на детето со вирусот е да го научите да редовно ги мие рацете и тоа: по играње, пред јадење, по користење на толает, кога тие се видливо валкани. На овој начин ќе спречите ширење на вируси и болести. Кога кива или кашла, научете го детето да устата и носот ги покрие во лакт или рака, што потоа ќе ја измие.
ФОКУСИРАЈТЕ СЕ НА ДОБАР ИМУНИТЕТ
Акцент мора да се стави на квалитетен сон, на добрата исхрана, која вклучува овошје и зеленчук, да се потрудиме да го намалиме стресот кај детето и да го поттикнеме да биде физичко активно. Не заборавајте д аизлегувате надвор со детето поради витаминот Д, кој е исклучително важен за детскиот имунитет.
НЕ ПРЕСКОКНУВАЈТЕ ВАКЦИНИ
Вакцините го зајакнуваат нашиот имун систем и се борат против разни болести. Тие не го заменуваат нашиот имунитет во борвата против болестите, тие, всушност го зајакнуваат.
ОБЕЗБЕДЕТЕ ОСНОВНИ ЛЕКОВИ
Кога детето е болно, последно што сакате е во 2 часот по полноќ да барате аптека што работи. Затоа секогаш во домот имајте соодветна терапија за деца.
АКО Е БОЛНО, ДЕТЕТО ТРЕБА ДА ОСТАНЕ ДОМА
Свесна сум дека е тешко ккога децата се болни. Останувањето дома не е само за другите да не се разболат, туку и за да детето побрзо и полесно се опорави. Сите некогаш го испраќаме детето во училиште или градинка премногу рано. Неговиот имунитет се уште е нарушен, па многу лесно може повторно да фати некој вирус. Имајте предвид дека на детето не му е воопшто лесно да седи болно и недолекувано на часови.
