Дали, како и зошто може да добиете Ковид-19 по вакцинирањето? Да, можно е да се заразите дури и откако сте ја примиле вакцината, иако ретко се случува, објаснува д-р Ентони Фаучи, претседател и директор на Националниот институт за алергија и инфективни болести во Америка, во интервју за Си-Ен-Ен.
Треба да бидете внимателни и после вакцинацијата
Да, можно е да добиете Ковид-19 откако сте ја примиле вакцината, иако тоа не е чест случај. CDC процени околу 5.800 случаи на инфекција (случај на болест при која вакцинираното лице ќе се разболи од истата болест која е предвидено вакцината да ја спречи), од околу 77 милиони вакцинирани лица.
„Иако е невообичаено, гледаме дека и ова се случува“, појасни Фаучи. „Како може да се случи ова? Може да се работи првенствено за неуспех на вакцината, кога телото не дава соодветен имунолошки одговор на вакцината од повеќе причини. Може да се работи за имунолошки статус, здравствен статус, употреба на лекови или некаков пропуст со чувањето на лекот. Ова е дополнителна причина зошто треба да носите маски и да се дистанцирате откако ќе ја примите вакцината.
Може да го ширите вирусот и по вакцинацијата
„Првото нешто што треба да го запомните е дека откако ќе се вакцинирате, ризикот од инфекција драстично се намалува. Логично е да го поставувате прашањето зошто мора и понатаму да се придржувате до мерките“, додаде Фаучи. На ова прашање тој одговора дека во одредени ситуации, едно лице може да се вакцинира, да нема никакви клинички знаци, а да ја шири инфекцијата дури и без да знае за тоа. Вирусот може да се наоѓа во носот и да се пренесе на некој што не е вакциниран и тоа лице може да се разболи. Поради оваа причина, потребно е да се носат маски.
Mожно е да добиете Ковид-19 откако сте ја примиле вакцината, иако тоа не е чест случај
Треба да се внимава и поради новите варијанти на вирусот
Уште една добра причина зошто е потребно да се носат маски е секако фактот дека кружат нови варијанти на вирусот, а експертите сметаат дека се доста загрижувачки. За среќа, вакцината делува на некои варијанти, како што е вирусот што се појави во Велика Британија, но има и други варијанти поради кои треба да се внимава.
Дали е тогаш опасно да се прават некои работи по вакцинацијата?
Д-р Фаучи објаснува дека станува збор за она што се смета за безбедно. Многумина ќе речат дека сакаат да патуваат. Може да патувате бидејќи шансите да се заразите се многу мали. На прашањето зошто тогаш експертите советуваат да не патуваме, Фаучи одговори дека тука е во прашање нивото на ризик кое е прифатливо за вас.
Она на што треба да внимавате е да не заразите случајно некого, а со оглед на тоа што бројот на заразени постојано се зголемува, ова е особено чувствително прашање. Фаучи нагласува дека не сака луѓето да мислат дека ризикот не е драстично намален по вакцината, бидејќи сигурно е. Ризикот е низок и луѓето ќе одлучат што сакаат да направат, но мора да се запрашаат колку ризик се подготвени да преземат, заклучува Фаучи.
