„Вакцината е веќе одобрена во Велика Британија, а нивните контроли се најстари и кога ќе поминете низ сите нивни процеси, тогаш сфаќате за какво ниво на експертиза станува збор. Вистина е дека вакцината е брзо развиена, но сите оние кои следат и знаат што се стои позади тоа, тогаш тоа и не ги изненадува“, изјави Владимир Тркуља од Медицинскиот факултет во Загреб, за „РТЛ Данас“.
Кои се можните несакани ефекти?
Тркуља вели дека несакани ефекти се јавуваат и кај вакцината против грип.
„Секоја четврта личност има оток на раката, болка и тоа е честа појава, но не е проблем. Тоа е ништо. Она што е важно е дека вакцината е безбедна и дека не доведува до зголемена подложност, на пример, на автоимуни болести. Овие работи и сите овие технологии се познати веќе 20, 30 години и сите податоци и експерименти што се направени не би биле направени доколку има какво било сомневање. Нема разумна причина да се сомневаме во какви било чудни, страшни или грди несакани ефекти“.
Колку трае имунитетот?
Што се однесува до создавањето на одреден имунитет по вакцинирањето, Тркуља објаснува дека тој се создава 15 дена по првата доза и тогаш постои некаков вид на заштита, а колку долго ќе трае, тоа е тешко да се каже во овој момент. Ќе се собираат податоци и како што ќе пристигнуваат со тек на времето така ќе расте и знаењето.
На прашањето кога би можела состојбата да се врати во нормала, негово мислење е дека со вакцинација и придржување до епидемиолошките мерки би требало се да спласне до летото наредната година.
