Нова студија покажала дека психолошкиот стрес на таткото во периодот на бременоста може да да се одрази на емотивниот развој и однесување на детето. Досега истражувањата биле фокусирани на поврзаноста на состојбата на мајката за време и по бременоста со општото здравје и емотивниот развој на детето и таа врска многу пати веќе е потврдена.
“Резултатите од оваа студија укажуваат на фактот дека менталнотоо здравје на таткото е исто така фактор на ризик за развој на детето, додека традиционално се сметало дека главен носител на тој ризик е мајката“, вели водачот на истражувањето, психологот Ана Квалеваг од Универзитетот Берген во Норвешка.
Таа додава дека од тие причини, во истражувањата, но и во клиничката пракса треба дополнително лекарите да се ангажираат за менталното здравје на таткото.
За потребите на студијата, истражувачите следеле 31.000 деца родени во Норвешка и нивните родители. На татковците им биле поставувани прашања за нивната емотивна состојба, на пример, дали се чувствуваат уплашено или потиштено во моменот кога партнерките биле бремени во 4. или 5. месец. Мајките пак одговарале на прашања за сопственото менатлно здравје и за социјалниот и емотивен развој и однесување на своите деца во периодот кога имале три години.
Истражувачите кај децата не барале конкретна дијагноза, туку собирале информации за тоа дали често учествуваат во тепачки, дали се анксиозни, или дали расположението често им се менува, објаснува Квалеваг.
Три проценти од татковците пријавиле висок степен на психолошки стрес, а истражувачите на крајот увиделе дека токму децата на тие татковци имале најмногу емотивни проблеми на возраст од три години.
Сепак, не успеале да утврдат директна причинско-последична врска, туку укажале на некои од можните механизми кои би можеле да ја објаснат.
Една од можностите е дека склоноста на емотивни тешкотии е пренесена генетски од татковците на децата, вели Квалеваг. Таа додава дека менталното здравје на таткото за време на бременоста, е воедно и најава за неговото менатлно здравје и по раѓањето на детето, што исто така може да ја објасни оваа поврзаност.
“Депресијата кај таткото може да влијае на психолошката состојба на идната мајка и така индиректно на фетусот кој е во развој. Ако таткото е под силен стрес, а тоа може да влијае на хормоните на мајката за време на бременоста и да се одрази на нејзиниот сон, како и нејзината психичка состојба“, објаснува Даниел Армстронг, детски психолог.
Решението според неговото мислење, може да биде многу едноставно.
“Кога мајката доаѓа на прегледи, треба да се праша како е и таткото. Тоа прашање никогаш не се поставува“, вели Армстронг.
