Графмоторичките вештини се комбинација од различни вештини: фина моторика на дланката, визуелна перцепција, окуломоторна координација и гласовна анализа и синтеза кои овозможуваат лицето да држи молив и да пишува.
За графомоторика кај дете вообичаено се зборува во периодот на поаѓање во училиште, но тие вештини се развиваат уште од најрана возраст.
РАЗВОЈ НА ГРАФОМОТОРИКАТА СПОРЕД ВОЗРАСТА
Моторниот развој на детето започнува со развој на груби моторни вештини (седење, ползење, одење, трчање), а потоа продолжува со развојот на фини моторни вештини преку секојдневни активности и игра.
На возраст од една година, детето држи молив или боичкассо целата рака и почнува да чкрта по хартијата.
На двегодишна возраст почнува да држи молив со три прста и прави различни линии, а околу четири, а најдоцна до шестата година, држењето на пенкалото треба да биде правилно.
Важно е да се обрне внимание затоа што е полесно да се научи детето на правилно држење од почеток отколку подоцна да се поправи погрешно наученото држење.
Ова е табела со детали што можете да очекувате на одредена возраст:
| ВОЗРАСТ | Очекувана активност |
| 10 – 18 месеци | Детето го држи моливот со целата рака и имитира чкртање по хартијата, сликовницата ја листа вртејќи неколку листови истовремено |
| 2 години | Детето држи молив со 3 прста и чкрта по хартија правејќи хоризонтални, вертикални и кружни линии, сликовницата ја листа вртејќи лист по лист |
| 3 години | Детето држи молив со 3 прста, може да прецрта хоризонтална, вертикална линија и круг |
| 4 – 5 години | Детето држи молив со врвовите на прстите, може да прецрта квадрат, некои букви и бројки |
| 5 – 6 години | Детето држи молив со врвовите на прстите (палец, показалец и среден прст), може да прецрта триаголник, да го напише своето име и да препознае дел од големи испечатени букви |
АКТИВНОСТИ КОИ ДОПРИНЕСУВААТ ЗА РАВОЈ НА ГРАФОМОТОРИКАТА
Развојот на графомоториката се одвива со сите оние секојдневни активности за коии можеби не сме свесни дека се поврзани со пишувањето.
Затоа е исклучително важно да се остави детето, она што може и дака да го направи, да го направи, а возрасните помагата само тогаш кога детето навистина не може само.
Можеби облекувањето патики, откопчувањето и закопчувањето копчиња, самостојното јадење, лупење овошје и слични активности на почетокот долго ќе траат, но се одлични вежби за совладување на потребните вештини.
Важни се и различни играчки, но и престој во природа. Игра со песок, земја и ситни камчиња, како и берење цвеќе, исто така помагаат при развој на т.н. пинцетен фат (држење).
