Актуелната „тројна епидемија“ ја сочинуваат високи концентрации на КОВИД-19, респираторен синцицијален вирус (РСВ) или грип.
Симптомите на обична настинка имаат тенденција да се влошуваат во првите неколку дена откако лицето ќе се разболи, иако одредени симптоми, како што се течење на носот или постојана кашлица, може да траат и до 14 дена, според американскиот Центар за контрола на болести (ЦДЦ).
Меѓутоа, симптомите на грип, РСВ, коронавирус и други вируси обично траат седум дена – но може да потраат и до две недели, пишува „Њујорк пост“.
Луѓето кои веќе имаат состојби како астма може долго да чувствуваат симптоми. Поради ова, многу луѓе се прашуваат кога нивната кашлица значи дека би требало да посетат лекар.
Лекарката Лена Вен изјави за Си-Ен-Ен дека оние кои страдаат од симптоми повеќе од две недели без да им се подобри состојбата, треба да одат на лекар.
Лицата на кои им снемува воздух, имаат болки во градите и неможност да задржат течности треба да се јават на лекар што е можно поскоро.
Симптомите на грип, РСВ, коронавирус и други вируси обично траат седум дена – но може да потраат и до две недели
Дополнително, новороденчињата и постарите лица, како и оние со основни здравствени состојби се изложени на поголем ризик од развој на тешки симптоми и треба да побараат лекарска помош порано отколку просечните поединци. Податоците во САД покажуваат дека стапките на хоспитализација се највисоки кај малите деца и постарите лица.
Д-р Вен предупреди дека вирусната инфекција може да прерасне во бактериска доколку не се лекува. Таа исто така напомена дека симптомите може да бидат знак за некоја друга состојба, која може да се открие со лекарска помош.
Оние кои страдаат од симптоми повеќе од две недели без да им се подобри состојбата, треба да одат на лекар. Лицата на кои им снемува воздух, имаат болки во градите и неможност да задржат течности треба да се јават на лекар што е можно поскоро, објаснува д-р Лена Вен
Иако постојат неколку општи показатели за тоа кога некој треба да оди на лекар, д-р Вен ги охрабрува сите да останат во склад со своето тело и да побараат медицинска помош кога ќе почувствуваат дека им е потребна.
„Превентивните работи се исти – останете дома ако сте болни, мијте ги рацете, кашлајте во ракавот, не тријте ги очите, носот и устата, редовно вакцинирајте се“, рече д-р Филип Хуанг, директор на Dallas County Health and Human Services во Тексас, за ABC News.
Во САД, покрај новата вакцинација против Ковид-19 која сега пристигнува во аптеките и лекарските ординации, достапни се и две РСВ вакцини одобрени од ФДА за возрасни, од кои едната е одобрена и за бремени жени за да ги заштитат своите доенчиња од РСВ.
