Грип или инфлуенца е акутна инфективна болест на горниот респираторен тракт предизвикана од вирусите на инфлуенца. Грипот најчесто е предизвикан од вирусот на инфлуенца тип А. Грипот кај децата особено брзо се шири во колективите. Проблемот со грипот е што вирусот често мутира, а овие промени му овозможуваат постојано да предизвикува грип. Имено, по специфично вирусно заболување, мали се шансите човек да се зарази со истиот тип на вирус. Тоа не е случај со грипот, бидејќи вирусот континуирано мутира, а претходното заболување не гарантира никаква заштита од типот на вирусот. Грипот кај децата понекогаш има поблаги симптоми, но е доста чест во колективите.
Грип кај децата
Грипот често се јавува во училиштата и градинките и во поголемите колективи. Грипот кај децата предизвикува многу висока температура до 42 степени. Децата кои се болни од грип често се уморни и спијат многу повеќе, дезориентирани се, а може да дојде и до дехидрација на што мора да се внимава. Може да се јави и повраќање и абдоминална болка.
Симптомите на дехидрација кај децата се:
- Суви и испукани усни;
- Поретко мокрење;
- Концентрирана урина, со боја на сок од јаболко;
- Плачење без солзи;
- Намалена активност.
Грипот е особено опасен за доенчињата, особено за оние помлади од три месеци, а доколку се сомневате на инфекција треба да посетите лекар.
Тек на болеста
Грипот почнува многу нагло и со типични симптоми на инфективна болест:
- Покачена температура која може да трае во текот на целата инфекција;
- Со силна главоболка;
- Болка во мускулите;
- Болка во коските, особено болки во зглобовите;
- Замор.
Покрај овие типични симптоми на грип, специфични се и следниве:
- Забрзано чукање на срцето;
- Слабост и замор;
- Дезориентираност.
Специфично за грипот е тоа што симптомите на инфекција на респираторниот тракт се појавуваат дури на крајот на болеста. Грипот ќе почне да се повлекува кога ќе се појават симптоми на респираторна инфекција, по што ќе следува пад на температурата и оздравување.
Грипот кај децата понекогаш има поблаги симптоми, но е доста чест во колективите
Грипот кај децата има симптоми поради кои дефинитивно треба да одите на лекар:
- Ако детето е помладо од три месеци и има температура повисока од 38,3 степени;
- Дете постаро од три месеци има температура која не се намалува со употреба на антипиретици;
- Детето има лоша општа состојба: летаргија, безживотност, недостаток на реакција на надворешни дразби, неостварување контакт со очи;
- Раздразливо е: детето плаче со часови, не може да се смири…
Третман
Грипот е вирусно заболување, што значи дека не се лекува со антибиотици. Токму поради тоа што се работи за вирусно заболување и трае толку долго, може да биде опасно. Постојат и антивирусни лекови кои мора да се користат во првите 48 часа по почетокот на симптомите за да бидат ефективни. Овие лекови не се применуваат за деца под една година.
Дополнително се препорачува:
- Мирување и лежење;
- Пиење течности: топол чај, вода, супа, особено деца кои имаат многу висок ризик од дехидрација;
- Симптоматски третман на болка и температура со парацетамол;
- Избегнување на потешка храна;
- Топла купка за ублажување на болки во телото.
