Допирот има аналгетски потенцијал без ризик од несакани ефекти
Бебињата дефинитивно треба да се штипкаат, мазат и галат, а тоа ја намалува и активноста во мозокот која е поврзана со болката, покажува британската студија.
Студијата, спроведена од Универзитетот во Оксфорд и Универзитетот во Ливерпул – Џон Мурс, ја следела мозочната активност на 32 бебиња при вадење на крв за анализа. Половина од бебињата претходно биле галени со мека четка што довело до 40 проценти помалку болка.
Авторката Ребека Слејтер рече: „Се чини дека допирот има аналгетски потенцијал без ризик од несакани ефекти“.
Истражувачите сега планираат да го повторат истражувањето, но со предвремено родени бебиња
Оваа студија им докажала на авторите дека допирот може да го зближи детето со родителите, да го намали стресот и кај родителите и кај бебето, како и да го намали должината на престојот во болница.
„Ако можеме подобро да ги разбереме невробиолошките основи на техниките како масажа на новороденчиња, можеме да ги подобриме советите што им ги даваме на родителите за тоа како да ги утешат своите бебиња“, рече проф. Слејтер.
Истражувачите сега планираат да го повторат истражувањето, но со предвремено родени бебиња, кои се уште се развиваат.
Каролин Ли-Дејви, извршен директор во добротворната организација за предвремено и болно бебе „Bliss“ го поздрави истражувањето.
„Веќе знаеме дека позитивниот допир, како што е кожа на кожа нега прави вистинска разлика директно кај бебињата кои се на неонатална нега и исто така им помага на родителите да се поврзат со своето бебе“.
„Сè што може да ја намали непријатноста кај бебето е огромен чекор напред во оваа недоволно финансирана област на истражување“, додаде Ли-Дејви.
