Жештините влијаат на апетитот и кај најмладите, но одредена храна може да помогне во најтоплите денови во летниот период, децата да не се чувствуваат гладни, ниту пак дехидрирани. Ова е список на намирници кои ќе му помогнат на детето да не биде жедно, бидејќи недоволниот внес на течности може да доведе до проблеми со здравјето.
- Свежи краставици
Дури 90% од свежите краставици се составени од вода, па се идеални за секој ден. Содржат влакна и витамин Ц, а го намалуваат и потењето. Вметнете ги во детското дневно мени и многу брзо тоа ќе почувствува подобра енергија и состојба на целото тело.
- Сос од домати
Како и краставицата, и доматот содржи висок процент на вода, и малку калории. Сосот од свежи домати е идеален за летните денови, а може да го ставите на разни тестенини и пица.
- Модар патлиџан
Ги има сите одлики на здрава храна: многу растителни влакна, вода и малку калории. Нивното комбинирање е одлично за подготовка на брзи и лесни јадења.
Тиквици
Тиквиците содржат дури 95% вода, а се изобилуваат со витамин А и Ц.
Лубеница
Во нејзиниот состав се наоѓа 92% вода. Но, тоа не е се. Богата е со калциум, магнезиум, калиум и натриум, што ја прави идеална за жешките денови.
- Круши
Со слаткиот, фин и освежувачки вкус, крушките содржат и здрави влакна и многу вода.
