Постарите деца и децата со алергии или астма, имаат поголема веројатност од трајни симптоми на КОВИД-19, дури и неколку месеци по опоравувањето, укажува нова студија. Инаку, веќе неколку студии укажуваат дека некои лица кои имале КОВИД-19 имаат присутен и замор, мускулна слабост и задишаност и отежнато дишење, шест месеци по сериозна форма на болеста КОВИД-19.
Иако децата се под помал ризик од сериозна форма на КОВИД-19 и натаму имаат многу различни симптоми. Некои податоци сугерираат дека на една третина од хоспитализираните деца им била потребна интензивна нега, додека кај некои деца кои покажувале затајување на повеќе органи им била потребна поддршка за дишење. Дел од децата развиваат и тешка состојба неколку недели по опоравувањето, која се нарекува мултисистемски воспалителен синдром кај децата (MIS-C).
Податоците за долгорочните последици од сериозна форма на КОВИД-19 на децата и натаму се ограничени, но се знае дека повеќе од половина од децата имаат барем еден симптом кој трае и по четири месеци од инфекцијата и тоа најчесто е замор, проследен со несоница.
Најчести постоечки состојби кај децата со трајни КОВИД-19 симптоми била алергија на храна, потоа алергиски ринитис и астма, гастроинтестинални проблеми, егзема и невролошки проблеми. Околу 37% од децата имале воспаление на белите дробови при престојот во болница, а околу 2,7% имале тешка форма на болеста.
