Сте се прашале ли што прави бебето во стомакот во текот на девет месеци колку што трае бременоста? Ќе ве изненади кога ќе прочитате колку всушност се забавува!
- Учи да разликува гласови
Колку чудно и да звучи, матката е првото опкружување за учење на бебето. Таму тоа учи да слуша и да разликува звуци и гласови. Бебето го препознава мајчиниот глас веднаш по раѓањето.
- Си игра
Како може бебе да си игра и со што во толку тесен простор? Лесно! Бебето може да си игра со папочната врвца, сопствените раце и нозе, прсти. Понекогаш мајката тоа и го чувствува – кога ја влече папочната врвца.
- Ика
Зошто тоа се случува, лекарите се уште не знаат. Но, факт е дека бебињата икаат и тоа понекогаш може да биде толку интензивно да го почувствува и мајката.
- Диши
Како бебињата дишат во мајчиниот стомак? Секако, низ папочната врвца која ги снабдува со кислород. Но, во исто време, бебето го тренира својот се уште незрел респираторен систем: имитира вдишувања и издишувања, вовлекувајќи амнионска течност низ носот. Поради тоа, по раѓањето, течноста може да му излезе низ носот.
- Мириса
Сетилото за мирис на бебето се развива многу пред раѓањето. Научниците велат дека може да го разликува вкусот на храната што ја јаде мајката. Ако мама сака кромид, тогаш голема е веројатноста дека и бебето ќе го сака. Тоа дури може да мириса на чад ако некој пуши во близина на трудница.
- Зева
Ова е снимено со ултразвук – да, бебето не само што спие и е будно, туку и се проѕева, исто како и возрасните. И тоа не значи дека сака да спие во тој момент. Научниците веруваат дека зевањето е поврзано со развојот на нервниот систем на бебето. Колку е поблиску терминот, толку помалку бебето зева.
- Прави гримаси
До третиот триместар, бебето ќе совлада 19 движења на лицето. Има само еден начин да научите како да ги контролирате мускулите на лицето, а тоа е да се обидете. Бебето го прави токму тоа – прави гримаси додека никој не го гледа. Освен специјалистите за ултразвук.
- Плаче
Да, бебето плаче, но без солзи. Покрај тоа, научниците успеале да слушнат звуци што бебето ги прави во исто време. Тоа се звуци на плачење пригушени со плодовата вода. Но, истражувачите се упте не откриле кои се причините за ваквиот плач.
- Цица палец
Доколку успеете да го видите овој момент на ултразвук, веднаш ќе ви биде јасно дали бебето доминантно ќе ја користи левата или десната рака. Со цицањето палец бебињата се смируваат, во тој случај прстот ја менува брадавицата.
- Сонува
Ќе помислите, за што може да сонува бебе кога се уште ништо не видело ниту искусило, но буквално. Сепак, студии тврдат дека бебињата сепак имаат соништа: тие минуваат низ фазата на РЕМ сон, за што сведочат движењата на нивните очи. Но, за што се овие соништа не е познато.
- Игра
Бебето учи да ги контролира своите движења така што тоа учи да се движи во ритамот на музиката. Да, секако дека слуша. Музичкиот вкус на детето се формира врз основа на тоа кои песни често ги слуша додека е во матката.
- Се нервира
Пред се, тоа го впива стресот што го чувствува мајката. Научниците дури откриле и образец: колку почесто детето го допира лицето со левата рака, толку е посилен стресот што го доживуваат и мајката и бебето. Но, тоа може да влијае на растот и развојот на детето, дури и на неговата склоност кон депресија во возрасниот период.
