Родителите се обидуваат уште од најрана возраст да ги воспитуваат момчињата да бидат цврсти и силни, но психолозите предупредуваат дека тие често несвесно прават одредени грешки кои можат негативно да влијаат на нив во пубертетот, но и во зрелата возраст. Една од најчестите грешки е очекувањето од момчињата уште од најрана возраст да бидат емотивно цврсти и да не покажуваат емоции како девојчињата.
Како што објаснуваат психолозите, дури и најпосветените родители не сфаќаат дека секогаш се подготвени да ги гушнат девојчињата кога се тажни, но се обидуваат да ги одвратат своите синови од истите тие емоции. Тие нагласуваат дека момчињата, исто како и девојчињата, имаат длабоки емотивни искуства и дека не е добро да им се вели дека не смеат да бидат тажни.
Уште една грешка што родителите често ја прават кога станува збор за воспитувањето на момчињата е да вршат притисок врз нив да се истакнат во спортот. Иако сите добро знаеме дека спортот е одличен за здравјето, особено за децата, сепак не е за секого. Како што објаснуваат психолозите, родителите често вршат притисок врз момчињата да спортуваат, што може лошо да влијае на нивната самодоверба, особено ако не се заинтересирани за спорт или не се снаоѓаат добро.
Родителите грешат и кога ги учат своите момчиња да не се плашат од одредени работи или јавно да ги покажуваат своите стравови. Психолозите советуваат родителите да разговараат со своите синови и јасно да им објаснат дека и тие, исто како и девојчињата, можат да се плашат и да го признаат тоа. Ова ја зајакнува нивната самодоверба, како на рана возраст, така и подоцна кога ќе пораснат.
