ПИШУВА:
Катерина Шекеровска-Димовска
katerina@pedijatar.mk
„Б
лагодарение на имунизацијата многу заразни болести кои во минатото претставувале значаен јавно здравствен проблем затоа што предизвикувале висок морбидитет односно морталитет кај децата и возрасните или предизвикувале компликации и инвалидитет, денес се елиминирани или ставени под контрола. Во тој поглед, апелирам до родителите да не ја одложуваат вакцинацијата, со што би спречиле епидемии, а тука ќе ја напоменам епидемијата на морбили која беше во изминатата година“, вели проф. д-р Виктор Исјановски d-r sci, директор на ЈЗУ Здравствен дом на Скопје. Д-р Исјановски објаснува и како се одвива имунизацијата во периодот на пандемија со коронавирус, дали се пропуштаат вакцините, се случува ли и кај нас она што е моментално тренд во светот- да се одложуваат вакцините што од друга страна би можело да резултира со нови здравствени кризи.
Многу родители, дел од нив се обраќаат со прашања и до нашата редакција, се збунети околу вакцинирањето на своите деца во услови на пандемија. Дали пандемијата со коронавирус влијае врз редовниот календар за имунизација? Имаат ли родителите причина да бидат загрижени и да го одложат вакцинирањето на своето дете?
Проф. д-р Исјановски: Имунизацијата е едно од најголемите достигнувања во историјата на медицината и претставува најбезбедна, најефикасна и економски превентивна мерка која директно допринесува за намалување на морбидитетот и морталитетот на заразните заболувања. Со спроведување на вакцинацијата се спасуваат два до три милиони деца во светот секоја година (СЗО).
Досегашните резултати на превентивните служби во Здравствен дом Скопје се одлични, со опфатеност на над 90% реализација на имунизација
Пандемијата со коронавирусот не влијае врз редовниот календар за имунизација, така што кај родителите не треба да постои загриженост и родителите не треба да го одложуваат вакцинирањето на децата.
Во ЈЗУ Здравствен дом Скопје функционираат сите вакцинални пунктови и истите работат непречено со работно време кое го ускладуваме по мерките и заклучоците донесени од Владата на РСМ и Комисијата за заразни болести. Во овој период вакциналните пунктови работат со работно време од 12 до 18 часот.
Во однос на реализација на вакцинацијата во периодов на пандемија со Ковид-19, се забележува многу мал пад на обемот на имунизација. Во периодов од 01.03.2020 до средината на април вакцинирани се 3348 деца
Од голема важност за Домот е континуирано инвестирање во нова и современа технологија, ќе истакнам дека во однос на законски предвидената имунизација, Здравствен дом Скопје опфаќа третина од државата и постигнување на правилна и целосна имунизација обезбедува стабилен епидемиолошки статус и колективен имунитет во општеството.
Во изминатиов период вакциналните пунктови во Здравствен дом Скопје се комплетно реновирани и опремени за нашите најмали корисници.
Како се одвива вакцинацијата? Во светски рамки се бележи нејзино опаѓање во периодот по избувнување на пандемијата со КОВИД-19. Каква е состојбата кај нас?
Проф. д-р Исјановски: Во однос на реализација на вакцинацијата во периодов на пандемија со Ковид-19, се забележува многу мал пад на обемот на имунизација. Во периодов од 01.03.2020 до средината на април вакцинирани се 3348 деца.
Во делот на превентивната здравствена заштита сме единствени за вакцинација на децата од 0 до 18 години, патронажната служба, превентивната детска стоматологија и систематски прегледи на децата за следење на раст и развој од 0 до 18 години.
Превенцијата е клуч на јавното здравје и преку неа ја реализираме целта за подигнување на свеста за самозаштита. Приоритет на Здравствен дом Скопје е да ги следиме актуелните состојби, потребите на заедницата и према тоа ги насочуваме активностите и соработките.
Досегашните резултати на превентивните служби во Здравствен дом Скопје се одлични, со опфатеност на над 90% реализација на имунизација.
Експертите предупредуваат дека одложувањето на вакцините може да има страшни последици и да резултира со нови големи здравствени кризи, како што беше епидемијата на морбили. Какви опасности се кријат во пропуштените вакцини?
Проф. д-р Исјановски: Благодарејќи на имунизацијата многу заразни болести кои во минатото претставувале значаен јавно здравствен проблем затоа што предизвикувале висок морбидитет односно морталитет кај децата и возрасните или предизвикувале компликации и инвалидитет, денес се елиминирани или ставени под контрола.
Во тој поглед, апелирам до родителите да не ја одложуваат вакцинацијата, со што би спречиле епидемии, и тука ќе ја напоменам епидемијата на морбили која беше во изминатата година.
Светот со огромно нетрпение ја очекува вакцината против Ковид-19. Колку е долг процесот на создавање на една вакцина и дали се реални тврдењата на британските научници од Оксфорд дека истата може да ја имаме уште во септември?
Проф. д-р Исјановски: Информациите со кои располагаме се дека многу земји, компании, лаборатории и индивидуални истражувачи работат на процесот на создавање на вакцина против Ковид-19, но во тој поглед се уште не располагаме со попрецизни информации во кој период би можеле да ја имаме.
Основна цел на вакцинацијата е постигнување на опфат над 95 %, на национално и регионално ниво согласно календарот за имунизација за 2020 година.
