Граѓаните на Србија имаат добро развиен имунитет на Ковид 19 по вакцинирањето, покажуваат резултатите од истражувањето на српскиот Институт за примена на нуклеарна енергија (ИНЕП), на примерок од 10.000 граѓани. Д-р Марија Гњатовиќ, доктор на науки за технолошки инженеринг-биотехнологија и научен соработник на ИНЕП, изјави за Радио-телевизија Војводина дека ИНЕП го следел т.н. хуморален одговор, односно одговор со посредство на антитела и дека се занимавале со мерење на концентрацијата на антитела со природна инфекција со Ковид-19, како и после вакцинирањето.
Вакцината на Фајзер дава најбрз одговор, 85 проценти од вакцинираните ќе развијат антитела две недели по примање на првата доза, а по втората доза тие вредности одат над 95 проценти. Фајзер е добра и ефикасна вакцина, антителата остануваат неколку месеци, не гледаме дека нагло опаѓаат и тоа укажува дека имунитетот ќе трае околу една година
„Нашата цел беше да утврдиме колку трае заштитата по прележана инфекција, како и после вакцинација“, рече д-р Гњатовиќ.
Таа објаснува дека антителата се само еден фактор на имунитетот, кој не укажува на целосна заштита, но дека тие најлесно се прават рутински и дека повеќето луѓе можат да бидат обработени со мерење на концентрацијата на антитела.
„Присуството на антитела значи дека организмот реагирал на вакцината и дека е активиран имунолошки одговор, и дека има одредено ниво на заштита. Ние не можеме да процениме какво е нивото на заштита создадено по вакцинацијата врз основа на бројот на антитела. Имунитетот го чини хуморалниот одговор – антителата, нивната задача е да го блокираат влезот на вирусот во нашите клетки и да даваат сигнали за активирање на други имунолошки фактори – клеточен имунитет“, наведе д-р Гњатовиќ.
Таа додаде дека во случај на изостанување на одговор на антитела, тоа не значи дека нема заштита, но дека е подобро кога се присутни и антителата, и дека се очекува кај повеќето луѓе сите вакцини кои се даваат во Србија да развијат и антитела и клеточен одговор.
Потребни се неколку дена за телото да ја препознае активната компонента и да создаде антитела. Одговорот доцни само неколку дена и третата недела по примената прва доза, голем број луѓе имаат развиен одговор, а по втората доза доаѓаме до 95 проценти. Спутник V е добра и квалитетна вакцина која создава стабилна концентрација на антитела
„Овие резултати се правени на примерок од 10 000 луѓе, на возраст од 20 до 95 години. Тие сè уште не се објавени во научно списание, но бројот на луѓе е доволен за да се извлечат прелиминарни заклучоци. Сега студијата се прави на ниво на ИНЕП, а наскоро се започнува со национална студија, која ќе вклучува и други институции, а нејзина цел е да се следи хуморалниот одговор, клеточниот одговор, како и ефектите врз заштитата, односно колку има заболени меѓу вакцинираните, ќе се следи и појавата на нови варијанти на вирусот и влијанието на вакцините врз нив“, посочи д-р Гњатовиќ.
Д-р Гњатовиќ вели дека вакцината на Фајзер дава најбрз одговор, дека 85 проценти од вакцинираните ќе развијат антитела две недели по примање на првата доза и дека по втората доза, тие вредности одат над 95 проценти.
„Ефикасноста се мери според процентот на луѓе во вакцинираната популација кои реагираат на болеста ако се појави инфекција, во споредба со невакцинираната популација. Се претпоставува дека 5 проценти нема да развијат антитела, а инфекцијата може да се појави во сите групи, и кај вакцинирани и кај невакцинирани. Најмногу се зборува за развој на клиничка слика по примена вакцина на Синофарм, но тоа е затоа што оваа вакцина е најмногу давана. Фајзер е добра и ефикасна вакцина, антителата остануваат неколку месеци, не гледаме дека нагло опаѓаат и тоа укажува дека имунитетот ќе трае околу една година“, објаснува таа.
Зборувајќи за вакцината Спутник V, д-р Гњатовиќ истакна дека 95 проценти од испитаниците развиле антитела по втората доза.
„Потребни се неколку дена за телото да ја препознае активната компонента и да создаде антитела. Одговорот доцни само неколку дена и третата недела по примената прва доза, голем број луѓе имаат развиен одговор, а по втората доза доаѓаме до 95 проценти. Спутник V е добра и квалитетна вакцина која создава стабилна концентрација на антитела“, наведува таа.
Кога станува збор за Синофарм, д-р Гњатовиќ вели дека се работи за класична вакцина, каде што станува збор за примена на целосна честичка на вирусот, модифицирана на таков начин што не може да се размножува во организмот и не може да го зарази организмот.
„Очекувано е дека е потребно за организмот да ги препознае активните компоненти и да почне да делува. Антителата кај повеќето луѓе ќе се создадат дури 2-3 недели по примање на втората доза. Ова е подолго време во споредба со другите вакцини, но предност е сигурноста, безбедноста и тоа дека е блага вакцина, која нема да му наштети“, вели таа. (РТВ)
